პარიზში მომხდარი ტერაქტის შედეგად გამოწვეულმა შიშმა ცენტრალურ ბრიუსელში მდებარე რესტორნებისა და ბარების დახურვა გამოიწვია. აღნიშნულ ინფორმაციას BBC ავრცელებს.
მაუწყებლის ცნობით, ქალაქის ქუჩებში ჯარისკაცები გაქცეული ტერორისტის სალაჰ აბდესლამის ძებნის გამო მთელი ღამის განმავლობაში პატრულირებდნენ.
გავრცელებული ინფორმაციით, ეჭვმიტანილის მეგობრები ამბობენ, რომ ის ბრიუსელის ტერიტორიაზე იმყოფება და სირიაში წასვლას ცდილობს.
"საკმაოდ ზუსტი ინფორმაცია არსებობს, რომ ბრიუსელში იმყოფება რამდენიმე შეიარაღებული პირი, რომლებსაც შეუძლიათ შეტევა განახორციელონ,"_განაცხადა პრემიერ-მინისტრმა, ჩარლზ მიშელმა.
