ოზურგეთის მუნიციპალიტეტის სოფელ მაკვანეთის მკვიდრს, ცნობილ ლოტბარს, 85 წლის გური სიხარულიძეს საქართველოს კულტურის და ძეგლთა დაცვის მინისტრი მიხეილ გიორგაძე ეწვია და ქართული ხელოვნების განვითარებაში შეტანილი განსაკუთრებული წვლილისთვის, სამინისტროს უმაღლესი ჯილდო, "ხელოვნების ქურუმი" გადასცა. აღნიშნულ ღონისძიებას ესწრებოდნენ ფოლკლორის სახელმწიფო ცენტრის დირექტორი გიორგი დონაძე, ცნობილი მომღერალი ანზორ ერქომაიშვილი, გურიის ფოლკლორის სკოლის დირექტორი ავთანდილ სურგულაძე, ოზურგეთის სახელმწიფო თეატრის სამხატვრო ხელმძღვანელი ვასილ ჩიგოგიძე, გურიის გუბერნატორი გია სალუქვაძე, ოზურგეთის მუნიციპალიტეტის გამგებელი მერაბ ჭანუყვაძე და ქალაქ ოზურგეთის მერი ბეგლარ სიორიძე ესწრებოდნენ.
ოზურგეთს მუნიციპალიტეტის გამგებელმა მერაბ ჭანუყვაძემ გური სიხარულიძეს მიულოცა ღვაწლის დაფასება და გამგეობის სახელით 500 ლარით დააჯილდოა.
გური სიხარულიძემ, ტრისტან სიხარულიძესთან ერთად, ექსპრომტად შეასრულა ხალხური "მადლობელი ვარ".
