საჭირო მასალა: 8 კვერცხი, 400 გრ. კარაქი, 4-6 ჩ/ჭ შაქარი, 1 ლ რძე + 1ჩ/ჭ წყალი, 2სკ. საფუარი, მარილი, ვანილი, კარდამონი, ჯავზი, ლიმონი, შაფრანი, 1ს/კ. ზეთი.
მომზადების წესი: 2ს/კ. საფუარი უნდა გავხსნათ 1 ჩ/ჭ. თბილ წყალში+1ს/კ. შაქარი. დავდგათ თბილ ადგილას. 1 ლიტრი თბილი რძე, 400 გრ. თბილი (არა ადუღებული) კარაქი (ან ერბო), 8 კვერცხი, 6 ჩ/ჭ. შაქარი, ცოტა მარილი (გავაკეთოთ გოგლი-მოგლი, ავურიოთ კარაქი, რძე, მარილი) დავამატოთ საფუარი, ავურიოთ და დავდგათ თბილ ადგილას მთელი ღამე.
მეორე დღეს ჩავყაროთ ვანილი, კარდამონი, გახეხილი ჯავზი, ლიმონის ცედრა, სპირტზე დაყენებული შაფრანი, 1 ს/კ. ზეთი. ეს ყველაფერი შეიზელს 10-15 ჭიქა ფქვილს. უნდა მოიზილოს ისე, რომ ცომი ხელზე არ გეკვროდეს. ისევ უნდა დავდგათ თბილად და დავაცადოთ ამოსვლა. ისევ ჩავზილოთ და დავამატოთ კონიაკში დამბალი ქიშმიში. გაფუების შემდეგ ჩავდოთ ფორმებში ისე, რომ 1/3 გაივსოს. კარგად რომ ამოვა, გამოვაცხოთ.
