ჩოხატაურის მუნიციპალიტეტის #1 ბაგა-ბაღის აღსაზრდელებმა საკრებულოს დეპუტატებს დღეს სიურპრიზი მოუწყვეს. საახალწლო ღონისძიების დასრულების შემდეგ პატარა სანტაკლაუსები ადმინისტრაციულ შენობაში მივიდნენ და 2016 წლის ბიუჯეტის დამტკიცებას დაესწრნენ.
საკმაოდ დაძაბული სხდომა პატარებმა ცოტა ხნით გაახალისეს.
_ ძალიან დიდი მადლობა ამ ლამაზი სიურპრიზისთვის. ახლა, 2016 წლის ბიუჯეტის დამტკიცება მიმდინარეობს, რომელიც თქვენ, თქვენს მომავალ ეხება, _ აღნიშნა საკრებულოს თავმჯდომარემ ზაალ მამალაძემ.
პატარებმა სხდომათა დარბაზში ლექსებიც წაიკითხეს და დეპუტატების სავარძლებიც მოირგეს.
