წინასაახალწლო სამზადისში თუ კიდევ ერთ კომპონენტს შევიტანთ და ჩვენს ოჯახს შესაბამისი ნაქარგობით დავამშვენებთ, ზედმეტი ნამდვილად არ იქნება. ეს განსაკუთრებით მათ ეხება, ვისაც საშუალოდ მაინც შეუძლია ქარგვა, განსაკუთრებით ჯვარედინი ქარგვის ხელოვნება, რომელიც შედარებით ადვილია, მით უფრო, თუ კანვას გამოვიყენებთ. ამ შემთხვევაში, ნემსი ფართოყურიანი უნდა იყოს, ოღონდ დიამეტრით კანვას თუ ჯვალოს უჯრებს არ უნდა აღემატებოდეს. გირჩევთ, წვრილუჯრებიან ქსოვილს მოერიდეთ.
საერთოდ კი ქსოვილი სურვილის მიხედვით შევარჩიოთ. მოვიფიქროთ ან კანვის ისეთი ფლომასტერით დავხატოთ ნაძვის ხე, რომელსაც წყალი ადვილად აშორებს. დაგეხმარებათ ინტერვალიანი ბადის გამოყენებაც. სასურველია, ნაძვის ხე იყოს სანთლებით მორთული, უხვად გამოიყენეთ პასტელის ფერები, წელს, მით უფრო, რადგან ძალზე მოდურია. თუ ჯვალოს ქსოვილზე უჯრებში მოქარგავთ, უმჯობესია, ქარგვა ქვემოდან დაიწყოთ. როცა ქარგვას დაასრულებთ, შეგიძლიათ გააუთოოთ, გადააკრათ მუყაოზე, ზომებს დაუქვემდებაროთ და ისე ჩასვათ შესაბამის ჩარჩოში. თუ ჩარჩო არ გექნებათ, მოიშველიეთ ფანტაზია, გადააკარით ფანერზე, შემოავლეთ მაკრამეს ხელოვნებით მოქსოვილი მაქმანი ან სულაც მისადაგებული ფერის ზონარი. მერე კი მოათავსეთ კედელზე იმ ოთახში, სადაც ძირითადად საახალწლო დღეებს გაატარებთ.
