"სანტოსის" აკადემიაში ნეიმართან ერთად კიდევ ორი ვარსკვლავი იზრდებოდა: განსო და ალან პატრიკი. ნეიმარს გაცილებით დიდი გავლენა ჰქონდა გუნდში და, როდესაც მას ორივე ფეხბურთელთან გაუფუჭდა ურთიერთობა, კლუბის ხელმძღვანელობა იძულებული გახდა, ალან პატრიკი "შახტარში" გაეყიდა, ხოლო განსო – "სან-პაულოში".
ნეიმარი 19 წლის ასაკში გახდა მამა. მის ვაჟს დავი ლუკა ჰქვია. საზოგადოება ინტერესდებოდა, ვინ იყო ბავშვის დედა. ხანგრძლივი ძიების შედეგად დადგინდა, რომ დედა 17 წლის კაროლინაა, რომელთანაც ნეიმარს მცირეხნიანი რომანი ჰქონდა. ცნობისთვის, ბავშვის ნათლია "სანტოსიდან" ნეიმარის მიერ გაძევებული განსოა.
"სიხარული და "თავხედობა“ – ეს ის სიტყვებია, რომლებსაც ყველაზე ხშირად იყენებს ნეიმარი. ამავე სახელწოდების სიმღერა აქვს შესრულებული მას ცნობილ ბრაზილიელ მომღერალთან, ტიაგინიოსთან და იმავე სიტყვებს იყენებს ის "მენტოსის" სარეკლამო რგოლშიც.
"ბარსელონაში" გადასვლის შემდეგ ნეიმარმა 7 კილოგრამით დაიკლო წონაში ანემიის გამო (რკინის ნაკლებობა სისხლში). მამამისის ვერსიით, ანემია ყელზე ჩატარებული ოპერაციის ბრალი იყო
ნეიმარის საყვარელი გართობაა მეგობრებთან ერთად კლუბში სიარული ან სოციალური ქსელები.
კარიერის დასაწყისში ნეიმარს "ახალ რობინიოს" უწოდებდნენ. მოგვიანებით ისინი ერთად თამაშობდნენ "სანტოსში" და ვარჯიშებისგან თავისუფალ დროს "სამბის“ ვარიაციას – "პაგოდეს“ უკრავდნენ. ნეიმარი დღემდე უწოდებს რობინიოს თავის კერპს.
პელეს ვერსიით, ნეიმარი არ მიიჩნევა "სანტოსის" ყველა დროის საუკეთესო ფეხბურთელად. პელეს აზრით, საუკეთესო ფეხბურთელების სამეული ასე გამოიყურება: პელე, ვასკონსელოსი და კოუტინია.
2009 წელს ნეიმარის სატრანსფერო ფასი "მხოლოდ და მხოლოდ“ 8 მილიონ ევროს შეადგენდა. იმის გამო, რომ იმ წელს ბრაზილიამ ვერ მოახერხა იუნიორების სოფლიო ჩემპიონატზე ჯგუფიდან გასვლა.
15 წლის ნეიმარის პირველი ხელფასი "სანტოსში" 10 ათას რეალს შეადგენდა. იმ პერიოდში ნეიმარის ოჯახი – დედა, მამა და და, რაფაელა, სიღარიბეში ცხოვრობდნენ სან-ვინსენტის გარეუბანში, მცირე ზომის ქოხში. ერთი წლის შემდეგ ოჯახმა პირველი ბინა იყიდა "სანტოსის" ბაზასთან ახლოს, ხოლო წლების შემდეგ, ნეიმარის ხელფასის დამსახურებით, ისინი უკეთეს საცხოვრებელ პირობებში გადავიდნენ.
ბრაზილიის ნაკრებში ჩატარებული პირველი მატჩის დროს ნეიმარი რასისტული ქმედების მსხვერპლი გახდა – მავანმა ქომაგმა ტრიბუნიდან მას ბანანი ესროლა
