ჰოლივუდის კაშკაშა ვარსკვლავი

რობერტ დე ნირო თავს იტალოამერიკელად მიიჩნევს, მიუხედავად იმისა, რომ მხოლოდ ბაბუა ჰყავდა იტალიელი.

რობერტმა დაამთავრა ლი სტრასბერგის სტუდია ნიუ-იორკში. 1964 წელს რვა ეპიზოდურ როლში ითამაშა. დე ნიროს შრომისმოყვარეობაზე, მოთმინებასა და დაკვირვებულობაზე ლეგენდები დადის. ის ცაციაა.

რობერტ დე ნიროს თითქმის ერთი წელი ჰქონდა რომანი ნაომი კემპბელთან.  შეხვედრები მათ 1992 წელს დაიწყეს, როცა მოდელი 22 წლის იყო, მსახიობი კი – 49-ის. თუ ჭორებს დავუჯერებთ, დე ნირომ ნაომი მაიკლ ტაისონს წაართვა. ხანგრძლივი კავშირი ჰქონდა ყოფილ მოდელ ტუკი სმიტთან (აფროამერიკელთან). ოფიციალურად ორჯერ იყო დაქორწინებული – პირველი ცოლი დაიან ებოტი გახლდათ, ახლა კი მისი მეუღლე გრეის ჰაიტაუერია. ორივესგან ჰყავს შვილები.

რობერტ დე ნირო ფრენსის ფორდ კოპოლასთან (მათთან იყო რობინ უილიამსიც) ერთად სან-ფრანცისკოში ძვირიანი რესტორნის, "რუბიკონის" მფლობელია. ასევე, იაპონური რესტორნების ქსელის "ნობის" თანამფლობელია, რომლის ფილიალი მოსკოვშიც გაიხსნა.

2001 წლის 11 სექტემბრის ტერორისტული აქტისგან დაზარალებულთათვის დახმარების მიზნით, რობერტმა ორგანიზება გაუკეთა ფესტივალ  თრიბეცა-ს. თავად კი, მათთვის ფულადი დახმარება რომ გაეწია, რამდენიმე ფილმში თამაშს ძალიან დაბალი ანაზღაურებით დათანხმდა.

რობერტ დე ნირო მონაწილეობდა ბარაკ ობამას წინასაარჩევნო მიტინგში. ის დემოკრატების გულშემატკივარია.

1999 წელს მსახიობი პარიზის აეროპორტში დააკავეს – საერთაშორისო პროსტიტუციაში ბრალდების ეჭვით. სწორედ ამიტომ, 2002 წელს მან თქვა უარი ფილმ "ნიუ-იორკის ბანდებში" გადაღებაზე, რომელიც საფრანგეთის დედაქალაქში მიმდინარეობდა.

2004 წელს, ვენეციის კინოფესტივალზე იგეგმებოდა რობერტ დე ნიროს იტალიის საპატიო მოქალაქეობა მიეღო, მაგრამ ამის წინააღმდეგ გამოვიდნენ ამერიკული საზოგადოება "იტალიის შვილები" და იტალიის პრემიერ-მინისტრი სილვიო ბურლუსკონი – "იტალოამერიკული განგსტერის სახის მრავალჯერადად არასწორი ფორმირების გამო".

ფილმ "ცოფიანი ხარისთვის" მსახიობმა 30 კილოგრამი დაიკლო. მაშინ ეს მსოფლიო რეკორდი იყო, რაც მხოლოდ შვიდი წლის შემდეგ მოხსნა ვინსენტ დონოფრიომ.

დე ნირომ განაცხადა რომ გადასაღებ მოედანზე მისი ყველაზე კარგი პარტნიორი მერილ სტრიპია და სწორედ ის არის მისი საყვარელი კინომსახიობი ქალიც.

მიუხედავად იმისა, რომ ბევრჯერ შეადარეს ერთმანეთს და ცდილობდნენ კონკურენტებად "ექციათ", დე ნირო და ალ პაჩინო კარგი მეგობრები არიან. დაბადების დღეზე მიპატიჟებას პირველი სწორედ ალ პაჩინო იღებს

."გაღვიძების" გადაღებისას, მისმა პარტნიორმა რობინ უილიამსმა რობერტს შემთხვევით ცხვირი გაუტეხა.

დე ნირო და მარლონ ბრანდო მსახიობთა ერთადერთი წყვილია, რომლებმაც "ოსკარი" ერთი და იმავე როლის – ვიტო კორლეონეს ("ნათლიმამა") შესრულებისთვის მიიღეს.

რობერტ დე ნიროს სამუშაო მაგიდაზე, მოოქრული ორი "ოსკარის" გვერდით, სპილენძის დაფა დგას, რომელზედაც ამოტვიფრულია ნაპოლეონ ბონაპარტეს ფრაზა: "უიღბლობა – გენიის დედაა".