ოზურგეთის საგანმანათლებლო რესურსცენტრის უფროსის, ლელა იმედაშვილის თქმით, ქალაქ ოზურგეთის და ოზურგეთის მუნიციპალიტეტის სოფლებში სასწავლო პროცესი 15 იანვრს დაიწყო. ხოლო ორშაბათს 25 იანვარს სასწავლო პროცესი ჩვეულებრივად დაიწყო.
" მოსწავლეების გამოცხადების რიცხვი დაბალია, მაგრამ სასწავლო პროცესი ჩვეულებრივ რეჟიმში მიმდინარეობს. " -განაცხადა ლელა იმედაშვილმა.
"გურია ნიუსს" რამდენიმე ადამიანი დაუკავშირდა და განაცხადა, რომ სკოლებში არ არის გათბობა. შრომის საჯარო სკოლის დირექტორის განცხდებით, ეს ინფორმაცია სიმართლეს არ შეეფერება.
"ახალი ღუმელები გვაქვს და გუგუნებს ცეცხლი! ნამდვილად არ გვაქვს გათბობის პრობლემა, შეშა გვაქვს და სასწავლო პროცესი ჩვეულებრივ რეჟიმში მიმდინარეობს."– თქვა ჩვენთან საუბრის დროს შრომის საჯარო სკოლის დირექტორმა.
ა.(ა)ი.პ. ქ.ოზურგეთის სკოლამდელი სააღმზრდელო-საგანმანათლებლო ცენტრის ყველა ფილიალში სააღმზრდელო-საგანმანათლებლო პროცესი ჩვეულ რეჟიმში მინდინარეობს – ამის შესახებ ინფორმაციას თავად ცენტრის დირექტორი, ეკა ნინიძე ავრცელებს.
"დღევანდელი მონაცემებით გამოცხადებულია 121 ბავშვი, რაც განპირობებულია ამინდის გაუარესებით. რაც შეეხება ვირუსულ ინფექციებს, ბავშვთა საავადმყოფოსა და "მედალფას" სამედიცინო ცენტრს მიმართა 2-6 წლამდე ჯამში 35-მა პაციენტმა. რა სახის ინფექციაა, ამაზე პასუხს ვერ გვაძლევენ, თუმცა ყველა ვირუსი ე.წ. "ღორის გრიპი" არ არის. საბავშვო ბაღის ფილიალებს შეფერხების გარეშე მიეწოდება ელექტროენერგია, გაზი და წყალი. დილიდან არაერთი ზარი იყო შემოსული ცენტრის ადმინისტრაციაში, ფილიალებში სააღმზრდელო-საგანმანათლებლო პროცესის თითქოსდა შეწყვეტის შესახებ, რაც არ არის სწორი ინფორმაცია. ფილიალები ელოდებიან აღსაზრდელებს ჩვეულ რეჟიმში."– ამბობს ეკა ნინიძე.
ოზურგეთის სკოლამდელი სააღმზრდელო-საგანმანათლებლო ცენტრის დირექტორის, ავთანდილ მექვაბიშვილის თქმით, სოფლის ბაღებში სააღმზრდელო-საგანმანათლებლო პროცესი 1 თებერვალს განახლდება.
