თბილისის საქალაქო სასამართლოს თავმჯდომარე მამუკა ახვლედიანი მის მიმართ დაწყებული დისციპლინური სამართალწარმოების საფუძვლისა და ახსნა-განმარტების ტექსტს აქვეყნებს.
"მაღალი საჯარო ინტერესის გათვალისწინებით, საჯაროდ ვაქვეყნებ ჩემს მიმართ დისციპლინური სამართალწარმოების დაწყების საფუძველს – საქართველოს იუსტიციის უმაღლესი საბჭოს მდივნის, ლევან მურუსიძის 2016 წლის 3 თებერვლის #16-16 გადაწყვეტილებას. ასევე ვაქვეყნებ ამავე გადაწყვეტილებაზე ჩემს მიერ მიცემული ახსნა-განმარტების სრულ ტექსტს", _ აღნიშნულია ახვლედიანის განცხადებაში.
შეგახსენებთ, რომ იუსტიციის უმაღლესი საბჭო მამუკა ახვლედიანს ეთიკური ნორმების დარღვევაში ადანაშაულებს, რისი საფუძველიც ახვლედიანის მიერ 2015 წლის 25 დეკემბერს სასამართლოში გაკეთებული განცხადება გახდა.
ახლვედიანმა ბრიფინგზე უნდობლობა გამოხატა იუსტიციის უმაღლესი საბჭოსა და უზენაესი სასამართლოს თავმჯდომარის საქმიანობის მიმართ და სასამართლო სისტემაში მიმდინარე მოვლენებზე ისაუბრა.
ახსნა-განმარტებისა და გადაწყვეტილების სრული ტექსტი შეგიძლიათ იხილოთ აქ:
თბილისის საქალაქო სასამართლოს თავმჯდომარის მამუკა ახვლედიანის ახსნა-განმარტება
