მსოფლიოს ყველაზე ძვირადღირებული სახლები

15. Blossom Estate (აშშ, ფლორიდა) – 130 მილიონი დოლარი
2013 წელს, პალმ-ბიჩში, ჰეჯ-ფონდი „Citadel Investment Group“-ის  დამაარსებელმა კენეტ გრიფინმა  3,23 ჰექტარი ფართობის მქონე 4 მეზობელი ნაკვეთი შეიძინა. სამ მათგანში სახლები უკვე აგებული იყო, მეოთხე ნაკვეთი  მილიარდერს სახლის გარეშე ერგო.

13. Manapalan Residence (აშშ, ფლორიდა) – 135 მილიონი დოლარი

ფლორიდის ოქროს სანაპიროს ცენტრში მდებარე აგარაკი ფრენკ მაკკინიმ 135 მილიონ დოლარად შეიძინა. ამ 3 სართულიან სახლში – 14 საძინებელი, 24 სააბაზანო, 18 ავტოფარეხი, აკვარიუმიანი თაროები და კედლები, კინოთეატრი, კაზინო, ოკეანის სანაპიროზე გასასვლელი, ღია საზაფხულო სამზარეულო, ოფისი, 10 ბარი, 2 ღვინის სარდაფი, ტრენაჟორების დარბაზი, პეპლების ბაღია და მრავალი სხვა.

12. Hearst Home (აშშ, კალიფორნია) – 135 მილიონი დოლარი

გამომცემელი უილიამ რენდოლფ ჰერსტის კუთვნილი სახლი ბევერლი-ჰილზზე 2014 წელს – 135 მილიონ დოლარად გაიყიდა. კერძო სახლში – 28 საძინებელი, 36 სააბაზანო, ღამის კლუბი, 400 ადამიანზე გათვლილი ღია ტერასა, 2 სკრინინგ ოთახი, 8 ავტომობილზე გათვლილი ავტოფარეხია და ა.შ. ეს სახლიცნობილია იმითაც, რომ ის ფილმების „ნათლია“ და „პირადი მცველის“ კადრებში მოხვდა.

11. 16 Kensington Palace Gardens (დიდი ბრიტანეთი) – 140 მილიონი დოლარი

2011 წლის აგვისტოში, ლონდონში არსებული ეს სახლი  რუსმა ბიზნესმენმა რომან აბრამოვიჩმა შეიძინა. სახლის შეძენის შემდეგ აბრამოვიჩმა სახლის მიმდებარე ნაკვეთში – ჩოგბურთის კორტი, გამაჯანსაღებელი ცენტრი და თავისი 6 რარიტეტული „Ferrari''-ის კერძო მუზეუმი შექმნა.

10. Updown Court (დიდი ბრიტანეთი) – 150 მილიონი დოლარი

სურეის საგრაფოში, სოფელ ვინდშემში არსებული, კალიფორნიულ სტილში შექმნილი ეს სახლი 103 ოთახისგან შედგება. გააჩნია 58 აკრი ფართობის მქონე ბაღი და კერძო ტყე.  2005 წელს, ის ბაზარზე არსებულ ყველაზე ძვირადღირებულ კერძო სახლს წარმოადგენდა. მეზობლად ელტონ ჯონი და ბრაიან მეი ცხოვრობენ.

9. The Manor (აშშ, კალიფორნია) – 150 მილიონი დოლარი

ფრანგული შატოს სტილში შექმნილი სახლი ლოს-ანჟელესის გარეუბანში მდებარეობს. ამჟამად მისი მეპატრონე „ფორმულა 1“-ის დამაარსებლის ბერნი ეკლსტოუნის ასული – პეტრა ეკლსტოუნი გახლავთ. სახლში 123 ოთახია განთავსებული. სახლის მახლობლად 100 ავტომობილზე გათვლილი ავტოსადგომია.

8. The Pinnacle (აშშ, მონტანა) – 155 მილიონი დოლარი

კერძო სახლი Pinnacle – იელოუსტონის ნაციონალური პარკის ტერიტორიაზე არსებული უდიდესი და ყველაზე ძვირი სამთო სათხილამურო ბაზაა. ის კერძო საცხოვრებელი კლუბის, სამთო სათხილამურო კურორტის და გოლფ-კურორტის როლში ფუნქციონირებს, რომლის წევრებიც ბილ გეიტსი, ბენ აფლეკი და ჯასტინ ტიმბერლეიკი არიან.

7. Ellison Estate (აშშ, კალიფორნია) – 200 მილიონი დოლარი

2004 წელს,  „Oracle''-ს დამაარსებელმა  ლარი ელისონმა ვუდსაიდში უჩვეულო, იაპონური სტილის მსგავსი კომპლექსი ააგო. 10 ჰექტარ ფართობზე – 10 შენობა, ხელოვნური ტბა, შავი ქოხი, საუნა და ტბორია განთავსებული.

6. Park Place (დიდი ბრიტანეთი) – 218 მილიონი დოლარი

2011 წელს, რუსმა ფინანსისტმა ანდრეი ბოროდინმა დიდ ბრიტანეთში არსებული ერთ-ერთი უძვირესი სახლი – „Park Place“ შეიძინა. ბოროდინმა 218 მილიონ დოლარად 2800 კვადრატული მეტრი ფართობის მქონე XVIII საუკუნის ქალაქგარეთ არსებული სახლი შეიძინა. სახლთან ერთად კომპლექსში რამდენიმე კოტეჯი, პარკი და საჯინიბო შედის.

5. One Hyde Park (დიდი ბრიტანეთი) – 221 მილიონი დოლარი

უკრაინის ყველაზე მდიდარმა ადამიანმა რინატ ახმეტოვმა მსოფლიოში ყველაზე ძვირადღირებული ბინა შეიძინა. ლონდონის ცენტრში არსებულ ელიტარულ საცხოვრებელ კომპლექსში,   ახმეტოვმა ბინა – 221 მილიონ დოლარად შეიძინა. ეს ბინა 2300 კვადრატულ მეტრზე მეტი ფართობის  და ტყვიაგაუმტარი შუშებისგან მქონეა.

4. 6 Kensington Palace Gardens (დიდი ბრიტანეთი) – 222 მილიონი დოლარი

2008 წელს, ინდოელმა მაგნატმა ლაქშმი მიტალმა თავისი ვაჟი ადიტიასთვის, ლონდონის „მილიარდერთა ქუჩაზე“ #6 შენობა შეიძინა. 12 საძინებლის და აუზის მქონე 4 სართულიანი სახლი შეძენის შემდეგ მიტალმა მარმარილოთ მოაპირკეთა, რომელიც იმავე საბადოდან მოიტანეს, რომლითაც ტაჯ-მაჰალის აგება მოხდა. სახლი მიტალმა ავეჯით და ხელოვნების ნიმუშების კოლექციითურთ შეიძინა.

3. Fairfield (აშშ, ნიუ-იორკი) – 248 მილიონი დოლარი

25 ჰექტარი ფართობის მქონე კომპლექსი „Fairfield“-ი ნიუ-იორკის მახლობლად მდებარეობს და ამერიკელ ბიზნესმენ აირე რენერტს ეკუთვნის. 5800 კვადრატული მეტრი ფართობის მქონე სახლი 29 სააბაზანოს, 39 საძინებელს, 30 მეტრი სიგრძის მქონე სამზარეულო მაგიდას, ბოულინგის და კალათბურთის დარბაზებს, 164 ადგილიან კინოთეატრს, 100 ავტომობილზე გათვლილ ავტოფარეხს შეიცავს.

2. Villa Leopolda (საფრანგეთი) – 750 მილიონი დოლარი

ცნობილ ფრანგულ რივიერა „ვილა ლეოპოლდზე“ არსებული სახლი 1931 წელს აიგო და ამჟამად შვეიცარიელი ბანკირის ედმონდ საფრას ქვრივს – ლილის ეკუთვნის. უნიკალური ბოტანიკრი ბაღით გარემოცული ვილის შეძენას, რუსი მილიარდერი მიხეილ პროხოროვი  არაერთხელ უშედეგოდ ცდილობდა.

1. Antilia (ინდოეთი) – 1 მილიარდი დოლარი

მუმბაიში მდებარე ამ უცნაური სახლის ღირებულება 1 მილიარდ დოლარს შეადგენს. 27 სართულიანი სახლის სიმაღლე 173 მეტრია და შეუძლია 8 ბალიან მიწისძვრას გაუძლოს. სახლში მისი მეპატრონე მუქეშ ამბანი ოჯახთან და 600 ადამიანისგან შემდგარ პერსონალთან ერთად ცხოვრობს. Antilia-ს ფართობი 48 000 კვადრატული მეტრია. სახლში საცხოვრებელ აპარტამენტებთან ერთად დაკიდებული ბაღები, 2 სართულიანი ფიტნეს-ცენტრი, ვერტმფრენის დასაჯდომი 3 მოედანი, 50 მაყურებელზე გათვლილი კინოთეატრი, 168 ავტომობილზე გათვლილი მიწისქვეშა ავტოფარეხი და ფუფუნების მრავალი სხვა საგანი არსებობს.