საქართველოს პარლამენტის წევრი, ყოფილი პრემიერ-მინისტრის, ირაკლი ღარიბაშვილის ცოლისძმა ალექსანდრე თამაზაშვილი არანაირ უძრავ-მოძრავ ქონებას არ ფლობს. ამის შესახებ თამაზაშვილის ქონებრივ დეკალარაციაშია აღნიშნული, რომელიც მან 2016 წლის 8 თებერვალს შეავსო.
დეკლარაციის მიხედვით, ბინა, 2 საცხოვრებელი სახლი, სამი არასაცხოვრებელი ფართი, 2 მიწის ნაკვეთი, ავტოფარეხი და ორი მსუბუქი ავტომობილი მშობლების, თამაზ თამაზაშვილისა და მაია პაპიაშვილის საკუთრებაშია.
კერძოდ, თამაზ თამაზაშვილი ფლობს თბილისში, კოსტავას 71-ში მდებარე 150.00 კვ.მ-ის ფართობის ბინას და ამავე მისამართზე არსებულ 19.00 კვ.მ-ის ფართობის ავტოფარეხს; დედოფლისწყაროში, სოფელ ჭოეთში მდებარე 192.00 კვ.მ-ის ფართის საცხოვრებელ სახლს; დედოფლისწყაროში, ჰერეთის 74 ნომერში არსებულ 228.00 კვ.მ-ის ფართობის მიწის ნაკვეთს; ამავე ტერიტორიაზე არსებულ 238.00 კვ.მ-ისა და 262.00 კვ.მ-ის არასაცხოვრებელ ფართებს;
ხოლო მისი მეუღლის, მაია პაპიაშვილის საკუთრებაშია საცხოვრებელი სახლი თბილისში, ვ.ბაგრატიონის 38 ნომერში, რომლის ფართობიც 29.00 კვ.მ-ია. ასევე, ამავე მისამართზე არსებულ 53.00 კვ.მ-ის არასაცხოვრებელ ფართს.
თამაზ თამაზაშვილის 100%-იან საკუთრებაშია მსუბუქი ავტომანქანა Lexus, lx 470 და Toyota camry.
რაც შეეხება ოჯახის ფინანსურ მდგომარეობას, დეკლარაციის მიხედვით, 2015 წელს მათი საერთო შემოსავალი 98 100 ლარი იყო. აქედან, ალექსანდრე თამაზაშვილმა საქართველოს პარლამენტი პარლამენტის წევრობისთვის 38100.00 ლარი მიიღო.
თამაზ თამაზაშვილს კი, ს/ს "პროგრეს ბანკის" უსაფრთხოების სამსახურის უფროსის თანამდებობიდან 60000.00 ლარის შემოსავალი აქვს მიღებული.
დეკლარაციის შევსების მომენტში, ალექსანდრე თამაზაშვილს ნაღდი ფულის სახით 12000.00 ლარი, ხოლო თამაზ თამაზაშვილს 25000.00 ლარი ჰქონდა.
გარდა ამისა, ალექსანდრე თამაზაშვილს ბანკი "ქართუს" სახელფასო (ოვერდრაფტი) ანგარიშზე 15000.00 ლარი (დებეტი-); საქართველოს ბანკის საკრედიტო ანგარიშზე 13 581.00 ლარი (დებეტი-); ამავე ბანკის მიმდინარე ანარიშზე 380.00 ლარი; ბანკი "ქართუს" მეორე სახელფასო ანგარიშზე 1188.00 ლარი (კრედიტი(+) ჰქონდა.
დეკლარაციის მიხედვით, თამაზაშვილების ოჯახი არ ფლობს ფასიან ქაღალდებსა და ძვირადღირებულ ნივთებს.
