ლევან ბერძენიშვილი მეგობრების „ჩამშვები“ იყო და სამსახურში „კა-გე-ბემ“ დანიშნა (ვიდეო)

გოგი თოფაძემ ტელეკომპანია „იბერიას“ ეთერში სტუმრობისას ხმაურიანი განცხადებები გააკეთა. თოფაძემ გადაცემა „პრიორიტეტში“ ხიდაშელთან და ძმებ ბერძენიშვილებთან არსებულ დაპირისპირებაზე ისაუბრა. მან  საგარეჯოს არჩევნებთან და ხიდაშელთან დაკავშირებით თავისი ბრალდებები კიდევ ერთხელ გაახმაურა. თოფაძემ კიდევ უფრო სკანდალური განცხადებები  სხვა თანაგუნდელებთან – ძმებ ბერძენიშვილებთან დაკავშირებით გააკეთა.

„ რაც შეეხება განცხადებას, რაც გააკეთეს ძმებმა ბერძენიშვილებმა. პირველი მინდა გითხრათ, რომ თვითონ ლევან ბერძენიშვილს შუბლის ძარღვი გაწყვეტილი რომ არ ჰქონდეს, ის ასე აქტიურად არ ჩაერეოდა.
მე მოგიყვანთ  80-იანი წლების მის ძალიან სამარცხვინო ქმედებას. როცა თავისი თანაგუნდელები, რომლებიც პოლიტიკური საბაბით ერთად იჯდნენ; პატიმრები იყვნენ. მისი განცხადებაც არის, როგორ ჩაუშვა სამივე თავისი მეგობარი, თვითონ გაათავისუფლეს, დანიშნეს კიდევაც სამსახურში „კა-გე-ბეს“ თანამშრომლებმა. და როგორ ჩააგდო – ვახტანგ ძაბირაძე, ვახტანგ შონია და ზამბახიძე
რატომ იკადრა ეს …
ამის მერე მის ბიოგრაფიას აღარ მოვყვები. მერე  რაც საჯარო ბიბლიოთეკაში გააკეთა, ეს სხვა  თემაა.
დღეს, მან, რამოდენიმე დღის წინ, ერთ-ერთ გაზეთში „რეზონანსში“ ისევ გააგრძელა ჩემი კრიტიკა.  მას მიაჩნია,  მე თურმე არც ევროკავშირის წევრობა არ მინდა ჩემი ქვეყნის და მთელი რიგი სხვა… ამართლებს თინა ხიდაშელს.
ამართლონ, თუ რამე არასწორად ვთქვი იმ არჩევნების მიმართ, შეუძლია მიჩივლოს ქალბატონმა თინამ და მერე ვიმსჯელოთ“ – განაცხადა თოფაძემ.

თოფაძემ „იბერიას“ ჟურნალისტთან საუბარში, კიდევ ერთხელ ახსენა ლევან ბერძენიშვილის „კა-გე-ბესთან“ თანამშრომლობის დამადასტურებელი ფაქტის არსებობა  და ასეთად შემდგომ სტატიის არსებობა მოიყვანა,  რომელიც მისი განცხადებების თანახმად ბერძენიშვილმა „კა-გე-ბესთან“ კავშირს მოწმობს.
„ მე ვლაპარაკობ ისევ ლევან ბერძენიშვილზე. მას მორალური უფლება არა აქვს, ასეთი განცხადებები გააკეთოს. იმიტომ, რომ ისეთი რაღაცეები აქვს ჩადენილი თავის ბიოგრაფიაში – უკვე გითხარით  მისი „ვაჟკაცობა“, როცა   დაპატიმრებული იყო, როგორ ჩაყარა თავისი მეგობრები.
თუ გნებავთ ამ სტატიას კიდევ გამოგიგზავნით და შეგიძლიათ გამოაქვეყნოთ. არაერთი სტატია იყო ამის შესახებ“ – დაამატა გოგი თოფაძემ.

„ მათი რეიტინგი (ძმები ბერძენიშვილების) საზოგადოებაში ძაან დაბალია და მხოლოდ ერთი შანსი აქვთ, რომ იყვნენ ოცნებაში“.
„რაც შეეხება მაგის მეორე ძმას – დათო ბერძენიშვილს… ესენი ნუ იჩემებენ, რომ ესენი არიან წამყვანი გუნდი ჩვენ კოალიციაში. პირიქით, მე მეტს გეტყვით. ვერსად მარტო კენჭს ვერ იყრიან. ესენი ისე სძულს საქართველოს მოსახლეობას – მურვან-ყრუ რომ იყო, ისე არ სძულდათ, როგორც ესენი. ამიტომ ესენი ვერ გაბედავენ ცალკე რომ გავიდნენ. ეგენი ვიღაცას უნდა ჩამოეკიდონ“.
„აი, სადაც ლევან ბერძენიშვილი  დააპირებს კენჭისყრას, როგორც მაჟორიტარი – აი იქ ჩავუდგები მე და რას აიღებს და როგორ გააკეთებს, მაგაზე მერე ვილაპარაკოთ“ – დაიქადნა გოგი თოფაძემ.