ბოლნისში დასრულდა პირველი ტაიმი განახლებული საქართველოს საფეხბურთო ჩემპიონატის მეორე წრის შეხვედრის, სადაც ადგილობრივი "სიონი" ლანჩხუთის 'გურიას" მასპინძლობს.
მატჩი საკმაოდ საინტერესო და დაძაბულ ბრძოლაში მიმდინარეობს. "გურია“ არაფრით ჩამოუვარდება ჩემპიონატის ერთ-ერთ ლიდერს და გარკვეულ მომენტებში უკეთესადაც გამოიყურება, განსაკუთრებით ფიზიკური მომზადების მხრივ. თუმცა ურთიერთშეთამაშების მხრივ დემიდოვის შეგირდებს ჯერ კიდევ ხარვეზები აქვთ.
შეხვედრის პირველ ტაიმში ორი გოლი გავიდა. ანგარიში მასპინძლებმა 33 – ე წუთზე გახსნეს, საკმაოდ საეჭვო პენალტით. ზუსტი დარტყმა ვარლამ კილასონიამ განახორციელა.
ოთხიოდ წუთში სტუმრებმა ანდრეი მოროზენკოს გოლის წყალობით მოახერხეს ანგარიშის გათანაბრება და ტაიმიც ასე დასრულდა.
