თურქეთში თხილის ფასის მატებას ელოდებიან

ბოლო ორი დღის უამინდობამ თურქეთის სავიზღვისპირა რეგიონებში თხილის ნარგავები დააზიანა, რის გამოც თურქეთის სოფლის მეურნეობის ექსპერტები თხილზე ფასების მატებას ვარაუდობენ. 

თურქეთის შავიზღვისპირა რეგიონები მსოფლიოში თხილის მარაგის მნიშვნელოვან ნაწილს აწარმოებენ და ამ რეგიონში არსებულ მდგომარეობაზეა დამოკიდებული მსოფლიოში თხილის ფასიც.
თვეზეა მეტია თხილის ფასი თურქეთში დავარდა და კილოგრამის ღირებულებამ 9 დან 11 ლირამდე შეადგინა. (დაახლოებით 8.00 – 10.00 ლარი). ეს იმ ფონზე, როცა მწარმოებლები ელოდებოდნენ, რომ ფასი მინიმუმ 15 ლირა იქნებოდა.

ფასის ასეთმა ვარდნამ შავიზღვისპირა რეგიონებში მღელვარება და ეკონომიკური პრობლემები გამოიწვია. თუმცა, თურქული მედიისა და ექსპერტების ცნობით მდგომარეობა შესაძლოა კარდინალურად შეიცვალოს. 

თურქეთის სოფლის მეურნეობის პალატის თავმჯდომარის არსლან სოიდანის განცხადებით, ამ დროისათვის ზუსტად უცნობია მარტის თვის ყინვებისაგან მიყენებული ზარალის ზუსტი მასშტაბები, მაგრამ გირესუნისა და სხვა რეგიონის პლანტაციებში მოულოდნელმა ყინვებმა დიდი ზარალი მიაყენა თხილის მიმდინარე წლის მოსავალს, რომელიც მოუსავლიანობით შესაძლოა 2004 და 2014 წლის მოუსავლიან წლებს გაუოტლდეს. ამის გამო კი ფასების ზრდაა მოსალოდნელი. 
თურქეთში თხილზე არსებული ფასები უდიდეს გავლებას ახდენს საქართველოზეც, სადაც ამ დროისათვის კილოგრამის ფასი დაახლოებით 4 ლარი და 20 თეთრია.მოსახლეობა კი გასული წლის მოსავლის რეალიზაციისათვის ფასის მატებას ელოდება.