THE CALVERT JOURNAL სტატიას აქვეყნებს სათაურით, როგორ არიან შეყვარებულები რუსული მოდის კანონმდებლები თბილისზე და რატომ მოგეწონებათ მალე თქვენც.
"გურია ნიუსი" სტატიის თარგმანს გთავაზობთ.
"დაივიწყეთ ბარსელონა და ლისაბონი, რუს ახალგაზრდებს დასვენება თბილისში ურჩევნიათ, რომელიც საქართველოს სხვა ქალაქებთან ერთად, როგორიცაა ბათუმი, ქუთაისი და გორი, საკუთარი სტილის მქონე და მოდურია.
ისინი, ვინც სოციალურ ქსელებში რუს მოდის კანონმდებლებს აკვირდებიან, ალბათ შენიშნეს პოპულარობის ეს ტალღა: ცნობილი ბლოგერების, ჟურნალისტების, სტილისტების და მოდელების საქართველოში დასვენების ამსახველი ფოტოების განთავსება სოციალურ ქსელებში შურს იწვევს.
კომენტარის სექციები სავსეა მომხმარებელთა რჩევებით ღვინის დეგუსტაციებისა და საუკეთესო ადგილების, ლაშქრობების შესახებ. ასევე ხაჭაპურის და ქინძმარაულის ქება უახლოვდება დასავლეთის ქვეყნებში პოპულარულ ბეკონსა და ნუტელას.
როგორც ჩანს, ყველას უიმედოდ უყვარდება ყოფილი საბჭოთა რესპუბლიკა.
რუსეთის სახელმწიფოს მიერ კონტროლირებადი მედიის ანტიქართული პროპაგანდის ფონზე, რომელიც მოჰყვა 2008 წლის კონფლიქტს ქვეყნებს შორის, იმძლავრა განცდამ, რომ საქართველო იყო გაღიზიანებული და დადგენილი უფლებამოსილების წინააღმდეგ მოქმედებდა.
ოპოზიციურ მედიაში მომუშავე ჟურნალისტებმა გამართეს კამპანია საქართველოს მოქალაქეების დეპორტაციის წინააღმდეგ. ამასობაში რუსეთში ქართული ღვინის და ცნობილი მინერალური წყალის "ბორჯომის" იმპორტი აიკრძალა, ხოლო მოსკოვსა და თბილისს შორის რეიდები გაუქმდა.
მაგრამ ახლა რუსეთში ვერ გაექცევით საქართველოს ხსენებას.
რუსეთის სახელმწიფო საკუთრებაში არსებულმა მოგზაურთა არხმა, "მაია პლანეტამ" საქართველოში ტურიზმის შესახებ დამცინავი შენიშვნა გააკეთა და განაცხადა, რომ ტურისტებისთვის მთავარ დაბრკოლებას საქართველოს გასაოცარი ეროვნული სამზარეულო წარმოადგენს და ისინი დიდ მადლობას იხდიან ზედმეტი საკვების მიღებისთვის.
2015 წელს, ერთი თვის განმავლობაში საქართველოში თვითმფრინავით ჩასული ყველა ტურისტი ერთ ბოთლ ქართულ ღვინოს, წითელ საფერავს იღებდა და საპასპორტო კონტროლს გადიოდა. ეს იყო ქვეყნის ეკონომიკის სამინისტროს პრომოუშენის ნაწილი, რის გამოც რუსული ინტერნეტ სივრცის სოციალური მედია სავსეა საქართველოს სტუმართმოყვარებისა და ღვინის ტრადიციებით აღფრთოვანებული სტატიებით.
მიროსლავა დიუმას "პლატფორმა ბიურო 247" ქართული მოდის, ავეჯის დიზაინერების და ახალგაზრდა ტალანტების, ტურისტული მიმართულებების და სასტუმროების შესახებ რეგულარულად აქვეყნებს მიმოხილვას.
დამოუკიდებელი მოდის ბრენდები, როგორიცაა "სპუტნიკი 1985", დიდებულ მთებსა და ძველი თბილისის ხის აივნებს იყენებს, როგორც ელეგანტურ და ავთენტურ ფონს მათი მოდის პროდუქციის საჩვენებლად.
ტურისტების ინტერესებზე მორგება სახელმწიფომ რამდენიმე წლის წინ დაიწყო და ახლა სამოგზაურო ტენდენცია ჰიპური სამყაროდან გამოსვლას ცდილობს.
ახლა ორგანიზებული ტურის მოძიება ადვილია, ვიდრე ოდესმე და არსებობს ვიზიტების უამრავი ვარიანტი სხვადასვა გემოვნების მქონეთათვის.
სადაც არ არის ბევრი ტურისტული სააგენტო, ტაქსის მძღოლები შემოგთავაზებენ ტურისტულ ტურებს, როგორც ქალაქში, ისე მის გარეთ, ქართველი ტაქსის მძღოლებისთვის თქვენი ერთი ზარიც საკმარისია.
ბედის ირონიით, საქართველო არა მარტო ამჟამად არის რუსებისთვის მიმზიდველი დასასვენებელი ადგილი, არამედ საბჭოთა კავშირის დროს ის იყო ძალიან პოპულარული, განსაკუთრებით ხელოვანებისა და ჰიპებისთვის.
გაგრასა და ბათუმს ყოველთვის ჰქონდა უფრო დახვეწილი და მხატვრული კურორტების სახელი, ვიდრე სოჭს ან ანაპას.
ფაქტია, მე-19 საუკუნის რუსმა მწერლებმა საუკეთესო შთაგონების წყარო აღმოაჩინეს კავკასიაში.
გასაკვირი არ არის ინსტაგრამის თეგის, #Tbilissimo და იტალიური სიტყვა bellissimo-ს მსგავსი პოპულარობა.
იტალიასთან შედარება არ არის უსაფუძვლო, საქართველოს აქვს კარგი კლიმატი, დიდი ისტორია და კულტურული ღირსშესანიშნაობები, საყოველთაოდ აღიარებული ეროვნული სამზარეულო, რომელსაც ავსებს ერთ-ერთი უძველესი ტრადიცია მსოფლიოში, მეღვინეობა, აყვავებული სახელოვნებო სივრცე. ვითარდება ბარის კულტურაც, რაც ნებისმიერი ბოჰემის ძლიერ სურვილებს დააკმაყოფილებს.
ბევრი ამბობს, რომ პოსტსაბჭოთა ქვეყანამ გაქცევა მოახერხა პოსტსაბჭოთა ბედისგან.
დღეს ბევრ რუსს უნდა, რომ რუსეთი დღევანდელ საქართველოს გავდეს.
რუსები საქართველოში არდადეგებზე დასასვენებლად მოდიან და სოციალურ ქსელში წერენ შთაბეჭდილებებს თავაზიანი პოლიციელების, მეგობრული ადამიანების და შთამბეჭდავი ინფრასტრუქტურის შესახებ.
2015 წლის ივნისში თბილისში მომხდარი წყალდიდობის გამო რუსეთმა ვიდეო მხარდაჭერა გამოხატა, ხოლო სოციალური ქსელები მწუხარე პოსტებით აივსო.
რუსმა ბლოგერმა დაწერა პოსტი, სადაც აღფრთოვანებას გამოხატავდა საქართველოს მთავრობის 24 საათიანი მუშაობის გამო, რომელიც არ გაექცა დატბორილ ადგილებს, როგორც ეს მოხდა რუსეთის სამხრეთში წყალდიდობის დროს.
შესაძლოა "საბჭოთა იტალიამ" მალე მოხიბლოს ევროპელი მოგზაურები.
ავიარეისები სტამბულიდან თბილისში იაფია და ხშირი, ხოლო ქართველი კაცის თავაზიანი ბუნებისთვის ნებისმიერი ენობრივი ბარიერის გადალახვა ადვილია."_წერს THE CALVERT JOURNAL.
