"გურია ნიუსის" აქცია, რომელიც 32 წლის გია ბერძენიშვილის გადარჩენას ისახავდა მიზნად წარმატებით დასრულდა. იმ თანხას, რაც გიას ოპერაციისთვის აკლდება, ვიცეპრემიერი, ენერგეტიკის მინისტრი კახი კალაძე შეავსებს.
კალაძის წარმომადგენლები გიას უკვე დაუკავშირდნენ:
_ დიდი მადლობა თქვენ და ყველა იმ ადამიანს, რომელმაც ჩემი გადარჩენისთვის ყველაფერი გააკეთეს, _ აღნიშნა ბერძენიშვილმა "გურია ნიუსთან" საუბრისას, რომელიც ამ წუთებში საავადმყოფოში იმყოფება.
გიას, ჩოხატაურის მუნიციპალიტეტის კულტურის ცენტრის გადაწყვეტილებით, ბავშვთა როკ ჯგუფის „GURIAN NICE KIDS“ მიერ შეგროვებული თანხიდან 1000 ლარი გადაერიცხა; 1000 ლარით მას გურამ ჩალაგაშვილი დაეხმარა; 500 ლარი "ლიბერთი ბანკმა" ჩაურიცხა.
მის ანაგარიშზე თანხები სხვა ადამიანებმაც შეიტანეს, რომელთა ვინაობასაც მოგვიანებით გაგაცნობთ.
შეგახსენებთ, რომ გიას კარდიომეოფატია აქვს _ გულში სტიმულატორი აქვს ჩადგმული, რომელიც 5 წელიწადში ერთხელ იცვლება. მისი გამოცვლა კი საკმაოდ დიდ ხარჯებთანაა დაკავშირებული.
ოპერაციისთვის 19800 ლარია საჭირო, აქედან _ 15 000 ლარს ჯანდაცვის სამინისტრომ ჩაურიცხა. დარჩენილი თანხა კი ჩვენი აქციის შედეგად მოგროვდა.
აღსანიშნავია, რომ მის დასახმარებლად მარი სიხარულიძის ინიციატივით და ბათუმის სახელმწიფო უნივერსიტეტის თვითმმართველობის მხარდაჭერით, ოთხშაბათს 13 აპრილს, 3 საათზე, უნივერსიტეტის დარბაზში საქველმოქმედო კონცერტი გაიმართება, რომელშიც მონაწილეობა მიიღებენ: ნიკო ბერიძე, ჯგუფი „ბაბილონი“ და "ჯინსების თაობა".
კონცერტიდან შემოსული თანხაც გიას ანგარიშზე დაირიცხება, რაც მას ოპერაციის შემდგომ, სარეაბილიტაციო პერიოდისთვის დასჭირდება.
