ხმაური იყო ქალაქ ოზურგეთში, სუპერმარკეტ "მაკა -მაიას" ტერიტორიაზე. ოზურგეთის საპატრულო ეკიპაჟმა მსუბუქი ავტომანქანა გააჩერა, რომელსაც ოზურგეთელი ბიზნესმენი თამაზ ვაშალომიძე მართავდა. ის "გურია ნიუსს" დაუკავშირდა და დახამრება ითხოვა.
თავდაპირველად პატრულ-ინსპექტორებმა მოქალაქეს განუმარტეს, რომ ის საჭეს ღვედის გარეშე მართავდა, შემდეგ კი ალკოტესტის ჩატარება მოითხოვეს. ალკოტესტის გადამოწმების შემდეგ პატრულ – ინსპეტორები ამტიკიცებდნენ, რომ მოქალაქე თამაზ ვაშალომიძე ნასვამ მდგომარეობაში იმყოფებოდა.
თამაზ ვაშალომიძეს "გურია ნიუსის" მკითხველი იცნობს. ის ამბობს, რომ თავს დამნაშავედ არ ცნობს და არაფხიზელ მდგომარეობას არ აღირებს:
"ყველამ იცის, რომ ვიმყოფები დიალეზზე, ვარ უმძიმესი ავადმყოფი, სიმსივნით დაავადებული, ასევე მაქვს C ჰეპატიტი . ოთხი წლის განმავლობაში არ მიჭამია მარილიანი, მწარე და არ დამილევია ერთი წვეთი სასმელი, რადგან ჩემი ჯანმრთელობის მდგომარეობა უმძიმესია. მე მიჩნდება საფუძვლიანი ეჭვი, რომ ჩემს მიმართ ხორციელდება ფსიქოლოგიური ზეწოლა, რადგან მე "გურია ნიუსს" მივეცი ინტერვიუ ჩემს საქმიანობასთან დაკავშირებით, წამომძახეს კიდეც, ჟურნალისტებს შეეკარიო…. მიმაჩნია, რომ უკანონოდ შემიზღუდეს ბიზნესსაქმიანობა, რადგან ორი წლის განმავლობაში ბრალი ვერ წამიყენეს, ვერ დამიმტკიცეს ვერანაირი დანაშაული, არ ვაღიარებ დანაშაულს, ახლაც ვიმყოფები ფხიზელ მდგომარეობაში, არ ვაწერ ხელს არანაირ საბუთს"– ამბობს ვაშალომიძე.
საპატრულო ეკიპაჟის წარმომადგენლებმა დაზარალებულს განუმარტეს, რომ მას ჰქონდა უფლება პოლიციის ქმედება ბათუმში გაესაჩივრებინა, თუმცა ვაშალომიძის, თქმით ამის გაკეთებას იმ მიზეზით ვერ შეძლებდა, რომ მას ოთხის ნახევარზე დიალეზი უნდა დაუდგან.
"იციან, რომ დროში ვერ ჩავეტევი, ეს ყველაფერი ჩემს მიმართ გამიზნულად კეთდება, პატრული ასრულებს ვიღაცის დავალებას, თუმცა მე მაინც დავიცავ ჩემს უფლებებს."-ამბობს ვაშალომიძე.
პატრულ – ინსპეტრორებმა კომენტარისგან თავი შეიკავეს.
ამავე თემაზე: შეუზღუდეს თუ არა უკანონოდ ბიზნესმენს საქმიანობა
