საქართველოს ენერგეტიკის სამინისტროს პრესსამსახურის ინფორმაციით, სამინისტროს შენობის სახურავზე ცეცხლი ნამდვილად არ არის.
ამის შესახებ "გურია ნიუსს" პრესსამსახურში განუცხადეს და აღნიშნეს, რომ სამინისტრო თბილისის იუსტიციის სახლის შენობაშია განთავსებული და ორბელიანის მოედანთან მათ კუთვნილებაში არსებული ფართი არ არის.
"ენერგეტიკის სამინისტრო განლაგებულია თბილისის იუსტიციის სახლის შენობის მე-4 სართულზე. ჩვენთან ხანძარი ნამდვილად არ ყოფილა. ორბელიანის მოედანზე ჩვენი შენობა არ არის", _ აცხადებენ პრესსამსახურში.
ცნობისთვის, საგანგებო სიტუაციების მართვის სამსახურში "გურია ნიუსს" უთხრეს, რომ კომპანია "ჯეოსელის" კონტეინერს ცეცხლი ენერგეტიკის სამინისტროს შენობის სახურავზე გაუჩნდა. თუმცა, როგორც ზემოთ აღვნიშნეთ, ამ ინფორმაციას ენერგეტიკის სამინისტროში არ ადასტურებენ.
ინფორმაციის გადასამოწმებლად "გურია ნიუსი" საგანგებო სიტუაციების სამსახურს კვლავ დაუკავშირდა, სადაც ამბობენ, რომ მათთვის მიწოდებული ინფორმაციით, შენობა ენერგეტიკის სამინისტროს ეკუთვნის.
"ჯეოსელის" კონტეინერი იწვოდა ენერგეტიკის სამინისტროს შენობის სახურავზე. გრიგოლ ორბელიანის მოედანზე, ვეკუას პირველ ნომერში. ეს არის ინფორმაცია, რაც ჩვენ მოგვაწოდეს", _ გვითხრეს პრესსამსახურში.
ამავე თემაზე:
ენერგეტიკის სამინისტროს შენობის სახურავზე "ჯეოსელის" მავთულები დაიწვა
