კონგრესმენმა სტივ რასელმა ამერიკის კონგრესის დღევანდელ სესიაზე საქართველოს შესახებ ისაუბრა.
როგორც ცნობილია, მან ყურადღება გაამახვილა საქართველოს მომავალ საპარლამეტო არჩევნებზე და აღნიშნა, რომ არჩევნების სამართლიანად ჩატარება და ქვეყნის თავისუფლება საფრთხის წინაშე დგას.
"საქართველოს კორუფციასთან და ტერიტორიული მთლიანობის დასაცავად ბრძოლის ხანგრძლივი ისტორია აქვს. 1991 წელს, საბჭოთა კავშრის დაშლის შემდეგ, საქართველოში რუსეთის ბატონობასა და თავისუფალ სახელმწიფოებრიობას შორის გარდამავალი მდგომარეობა გამოცხადდა. საქართველოს პირველი პრეზიდენტი, ზვიად გამსახურდია,რომელმაც სიცოცხლე გაურკვეველ ვითარებაში დაასრულა, ედუარდ შევარდნაძის მსგავსად, რუსეთისგან თავდასაღწევად მშვიდობიანი გზით ბრძოლისთვის ცუდი ლიდერი აღმოჩნდა.
2003 წელს, "ვარდების რევოლუციის" შედეგად ქვეყანაში მთავრობა და მისი პოლიტიკური კურსიც შეიცვალა, თუმცა რუსეთმა არჩევნებში ჩარევა და მონაცემების გაყალბება სცადა, რის შემდეგაც ქართველმა ხალხმა სამოქმედოდ ალტერნატიული გზა აირჩია და მშვიდობიანი რევოლუციის მეშვეობით შევარდნაძეს თანამდებობა დაატოვებინა,"_ განაცხადა რასელმა.
კონგრესმენმა აღნიშნა,რომ საქართველოში ოქტომბერში გასამართ არჩევნებს ქვეყნის თავისუფლებისთვის გადამწყვეტი მნიშვნელობა აქვს.
"მიმდინარე წლის ოქტომბერში საქართველოში არჩვენები ტარდება, რომელიც გაარკვევს რჩება საქართველო ნახევრად თავისუფალ ქვეყანად, რომელიც აგრძელებს დამოუკიდებელ მსვლელობას, თუ დანებდება კორუფციასა და რუსი ოლიგარქის გავლენას.
რუსეთს მიაჩნია, რომ აქვს უფლება ქართველებს მოექცეს ისე, როგორც მეორახირისხოვან მოქალაქეებს, რომლებიც იარსებებენ რუსეთის მსახურებისთვის და მათი ტერიტორია რუსეთის ინტერესის ქვეშ ტრანზიტი იქნება. 2003 წელს "ვარდების რევოლუციის" შედეგად რუსეთზე დამოკიდებულების წარმატებით მოცილების შემდეგ საქართველოს პოლიტიკურ სისტემას რუსეთი მუდმივად ავიწროებდა. ის შეიჭრა საქართველოში და მისი ვალდებულება ბაზების გაყვანაზე საქართველოდან დაარღვია, რასაც საქართველო მტკიცედ შეხვდა, ამიტომ რუსეთმა კლასიკური ფორმით დაიწყო პოლიტიკურ პროცესში შეღწევა. საქართველოში საკუთარი პრორუსული მთავრობის შექმნის იმედით, რათა ყველაფერი მიეღო პოლიტიკურ ფლანგზე,"_აღნიშნა კონგრესმენმა.
კონგრესმენმა ასევე განაცხადა, რომ საქართველოს ყოფილი პრემიერ-მინისტრი, ბიძინა ივანიშვილი, რუსეთის პრეზიდენტის, პუტინის მოკავშირეა და მათ მიზანს არჩევნების გაყალბება წარმოადგენს, რის გამოც ქართველი ხალხი დახმარებას მსოფლიოსგან ელოდება.
"ოლიგარქი ბიძინა ივანიშვილი არის პუტინის მოკავშირე და მათი მიზანია ხმების გაყალბება, ისევე როგორც, ამის მცდელობა იყო 2003 წელს, როდესაც ხმების მოსყიდვით და ადმინისტრაციული ერთეულების დასჯით შეეცადა არჩევნების ჩაშლასა და სპეცდანიშნულების რაზმებით მის შედეგებზე გავლენას. ეს გაერთიანებუილია საარჩევნო კომისიების სრულ პრივატიზაციასთან. ერთ-ერთი წყაროს ცნობით, მათი 98% კონტროლდება ივანიშვილის მიერ და ქართველი ხალხი დგას საგანგაშო პერსპექტივის წინაშე, ჰქონდეთ სამართლებრივი არჩევნების ჩატარების უფლება ამა წლის ოქტომბერში. ამ საფრთხის გამო ქართველი ხალხი მსოფლიოსგან დახმარებას ელოდება,"_აცხადებს რასელი.
ოკაჰომას შტატის კონგრესმენმა აღნიშნა, რომ ამერიკის შეერთებულმა შტატებმა საქართველოს დასახმარებლად ნაბიჯები უნდა გადადგას.
"ჩვენ მათ დასახმარებლად რამდენიმე ნაბიჯის გადადგმა შეგვიძლია. მოვუწოდებთ ამერიკის ფინანსთა სამინისტროს და დასავლეთის ბანკებს, გაუყინონ აქტივები ბიძინა ივანიშვილს, რომელმაც როგორც იარაღით უკანონო მოვაჭრემ, კანონი დაარღვია. მოვუწოდებთ სახელმწიფო დეპარტამენტს, ყურადღება მიაქციონ საქართველოს ოფიციალურ პირებს და ბიზნეს ლიდერებს, რომლებიც გამოიკვეთებიან თავისუფალი არჩევნების გაყალბებაში თანამონაწილეობაში, შეუჩერონ მათ ვიზების მოქმედება და გაუყინონ აქტივები.
ასევე მოვუწოდებთ დასავლელ ჟურნალისტებს, ჩვენს თავისუფალ მედიაში, მისცენ ქართველ ხალხს შანსი, გაახმოვანონ მათი ამბავი, გააშუქონ და გამოიძიონ ბოლო თვეების მოვლენები, რომლებიც შესაძლოა, საქართველოსთვის თავისუფლების უკანასკნელი თვეები აღმოჩნდეს", _ განაცხადა რასელმა.
