დღეს, ოზურგეთის მუნიციპალტეტის დაბა ნასაკირალში, ასევე ქალაქ ოზურგეთში ვიცე-პრემიერი კახა კალაძე იმყოფებოდა. მან მოსახლეობას ადგილობრივ ხელისუფლებასთან ერთად დაბა ნასაკირალის მაჟორიტარი დეპუტატობის კანდიდატი ნონა ტუნაძე და ასევე ქალაქ ოზურგეთის მუნიციპალიტეტის საკრებულოს დეპუტატობის კანდიდატი ვასილ ჩიგოგიძე ოფიციალურად წარუდგინა. შუალედური არჩევნები ოზურგეთში 22 მაისს გაიმართება.
"თქვენ იცით, რომ უნდა ჩატარდეს შუალედური არჩევნები 22 მაისს. დარწმუნებული ვარ იმაში, რომ ჩვენს მიერ წარმოდგენილი კანდიდატი თქვენი მხარდამჭერით, თანადგომითა და ერთსულოვნებით, აუცილებლად მიაღწევს გამარჯვებას. დარწმუნებული ვარ, რომ ისინი ღირსებით გაართმევენ საქმეს თავს და მიიტანენ იმ პრობლემებს საკრებულოში, რაც თითოეულ თქვენგანს და სოფელს აწუხებს, ეს პრობლემები კი ადგილობრივი და ცენტრალური ხელისუფლების თანადგომით იქნება მოგვარებული"_განაცხადა კახა კალაძემ მოსახლეობასთან შეხვედრის დროს.
ვიცე-პრემიერმა ხელისუფლების მიერ გახორციელებულ და გასახორციელებლ პროექტებზე ისაუბრა:
"2 წელი და ცოტა მეტიც კი გავიდა მას შემდეგ რაც "ქართული ოცნება"მოვიდა ხელისუფლებაში, მე შემიძლია ძალიან გულწრფელად გითხრათ, რომ ბევრი მნიშვნელოვანი პროექტი და რეფორმა იქნა გახორციელებული, თუმცა ყველაფერ ამის მიუხედავად ძალიან ბევრი პრობლემებია. ჩვენ არ უნდა მოგვერიდოს ამ პრობლემებზე საუბარი, როცა ვისაუბრებთ გასაჭირზე, მაშინ იქნება შესაძლებელი ამ პრობლემების მოგვარება. ჩვენ ღიად ვსაუბრობთ ამაზე. სამწუხაროდ, არც მე და არც თითოეულ ჩვენთაგანს ჯადოსნური ჯოხი არ გაგვაჩნია, რომ ყველა პრობლემის მოგვარება იყოს შესაძლებელი. ეს პრობლემები წლების განმავლობაშია დაგროვილი, თუმცა ბევრი ინფრასტრუქტრული პროექტები ხორცილედება. ჩვენ წარსულს ჩავაბარეთ ის დრო, როცა უსახსრობის გამო ადამიანები საოპერაციო მაგიდაზე იღუპებოდნენ. სახელმწიფო ყოველწიურად ათეულობით მილიონ დოლარს ხარჯავს, მძიმე, სასწრაფო ძვირადღირებული ოპერაციების გასაკეთებლად, ასევე სოფლის მეურნეობის კუთხით გახორციელდა ბევრი კარგი რეფორმა. ეს დარგი 25 წლის განმავლობაში ფაქტიურად მიგდებული იყო და არაფერი ამ კუთხით არ კეთდებოდა. უფასო- ხვნა თესვის პროგრამა, რომელიც მესამე წელია წარმატებულად მიმდინარეობს. პირველი ივლისიდან იქნება პენსიების მატება და ყველა პენსიონერი თვეში თანაბრად მიიღებს 180 ლარს. ჩვენ ძალიან ბევრი შრომა მოგვიწევს, რომ ქვეყანა ეკონომიურად გავაძლიეროთ"_ განაცხადა ვიცე-პრემიერმა.
"ხშირად გვაკრიტიკებენ ჩვენი ოპონენტები, რომ ბიუჯეტი, რომელიც ჩვენმა მთავრობამ, პარლამენტმა მიიღო, არ იყო სოციალურად ორიენტირებული. როდესაც ბიუჯეტზე ვმუშაობდით, გამოვედით იმ რეალობიდან , იმ მძიმე სოციალური მდგომარეობიდან, რაც ჩვენდა სამწუხაროდ ქვეყანაშია და მიგვაჩნია, რომ თუ პირველი წლების განმავლობაში სახელმწიფო არ დაეხმარა ქვეყნის მოსახლეობას, ძალიან რთული იყო იმ სიდუხჭირიდან , იმ სირთულეებიდან გამოსვლა, სადაც დღეს ჩვენი მოსახლეობის დიდი ნაწილი იმყოფება, სოციალური პროექტების მეშვეობით კი იქნება შესაძლებელი, რომ დავეხმაროთ სოფლის მცხოვრებლებს, ბიზნესის ხელშეწყობით შესაძლებელი იქნება, რომ შეიქმნას ახალი სამუშაო ადგილები."
კალაძის თქმით, ბოლო 2 წლის განმავლობაში დაახლოებით 90 000 ახალი სამუშაო ადგილი შეიქმნა:
"ეს არის აშკარად სწორი გზა და მიმართულება იმისა, რომ ქვეყანაში ეს პრობლემა იქნეს ერთხელ და სამუდამოდ მოგვარებული."
"არავითარ შემთხვევაში არ უნდა იქნეს ისეთი დაპირებები გაცემული, რომლის გახოციელებაც შეუძლებელი იქნება , არ უნდა შევქმნათ ვირტუალური საქართველო, როგორც ეს წინა წლების განმავლობაში იყო, როცა გვატყუებდნენ, რომ თითქოს ქვეყანაში ყველაფერი კარგად იყო, თითქოს ხალხი ბედნიერი და გალაღებული იყო, მაგრამ როცა ტელევიზორს გამოვრთავდით, სულ სხვა რეალობის წინაში იდგა თითოეული ჩვენთაგანი.
პირველი აპრილიდან კვლავ გახორციელდა პედაგოგებისთვის ხელფასების მატება, ამ ადამინების ჯაფა და შრომა უნდა იქნეს დაფასებული მთავრობიდან. განათლების სფეროში დაგეგმილია ძალიან დიდი რეფორმა, რომ ხელი შევუწყოთ ჩვენს შვილებს, პატარებს, რომ განათლება მიიღონ , შესაბამისად ამ ადამიანების გამოყენება მოხდეს ჩვენი ქყვენის საკეთილდღეოდ. ჩვენ ერთიანად მივაღწევთ 22 მაისს გამარჯვებას"_ განაცხადა კახა კალაძემ.
ოზურგეთის მუნიციპალიტეტისა და ქალაქ ოზურგეთის საკრებულოების მაჟორიტარი დეპუტატობის კანდიდატებმა თავიანთ ამომრჩველებს მხარდაჭერსკენ მოუწოდეს:
ნონა ტუნაძე: "ჩემო თანასოფლელებო, ჩვენს გვერდით ადგილობრივი ხელისუფლებაა. მაქვს ჩემი სოფლის მხარდაჭერის იმედი და გქონდეთ იმის იმედი, რომ თუ კი თქვენი მხარდაჭერა იქნება, ყოველი თვქენთაგანის სატკივარს მივიტან ადგილობრივ და ცენტრალურ მთვარობამდე და შესაბამისი ღონისძიებები იქნება გატარებული."
ვასილ ჩიგოგიძე: "მადლობა ყველას, ვინც მომცა საშუალება მიმეღო არჩევნებში მონაწილეობა და გაძლევთ კაცურ, ოზურგეთულ სიტყვას, რომ ჩვენ ერთად გავიმარჯვებთ, ოზურგეთი კი კიდევ უფრიო გაბრწყინდება, ძალიან მიყვარხართ და გელით არჩვენებზე 22 მაისს."
