,,გურული მეამბოხეების დასაშოსმინებლად ჩასულმა სულთან კრიმ-გირეიმ ოზურგეთის მაზრის 25 სასოფლო საზოგადოებიდან 12 მოიარა, ყველგან მასობრივი კრებები და მიტინგები ეწყობოდა, რომელსაც დაესწრო დაახლოებით 20 ათასი კაცი.
ამ ხალხმრავალ შეკრებებზე დასწრება აკრძალული ჰქონდათ მთავრობის მიერ დანიშნულ მამასახლისებს, სასულიერო პირებს, მემამულეებს, მთავრობის ადმინისტრაციის წარმომადგენლებს და ჯაშუშობაში შემჩნეულ პირებს.
კრიმ-გირეი ხშირად პირისპირ ესაუბრებოდა გურულ გლეხებს და მათთვის საქებარ სიტყვებს არ იშურებდა. ერთ ჩოხატაურელს უთხრა: თქვენ, გურულები იმიტომ ხართ ნიჭიერი და გონებამკვირცხლი ხალხი, რომ თქვენ მდიდარი ბუნების კალთაში ცხოვრობთ და ბუნებამ გაგიხსნათ გონება.
გურულმა ყურადღებით მოუსმინა და უთხრა: "მართალს ბრძანებთ, ბატონო, მჟავე ტყემალი ნამეტარს უხსნის ადამიანს გონებას.”
ამ სიტყვებმა თურმე საყოველთაო ხარხარი გამოიწვია იქ მყოფებში".
ამონარიდი ირაკლი მახარაძის წიგნიდან "გურიის რესპუბლიკა"
