რომელიც ამ უზარმაზარი ქვეყნის 53 რეგიონში აერთიანებს საქართველოდან დევნილ მოსახლეობას და ცდილობს პატარა საქართველოსა და ქართული კულტურის კერების შექმნით არ დაავიწყოს ქართველებს საკუთარი სამშობლო და მშობლიური ენა. მიუხედავად იმ ქველმოქმედებისა და საქმიანობისა, რაც ამ ორგანიზაციის ეგიდით გაწეული მაქვს ჩემი ხალხისთვის, მე დღეს საქართველოში შემოსვლა არ შემიძლია, რადგან საქართველოს სპეცსამსახურებისთვის წარმოვადგენ კონსტიტუციურ საფრთხეს საკუთარი ქვეყნისთვის, თუმცა, ხელისუფლებისაგან დღემდე არ მაქვს მიღებული ოფიციალური პასუხი ჩემი ბრალეულობის შესახებ”, _ ნათქვამია პარტია “განახლებული საქართველოსთვის” საერთაშორისო მრჩევლის, მინდია გულუას განცხადებაში.
აშშ-ს ელჩს საქართველოში, ჯონ ბასს, ევროკავშირის წარმომადგენლობის ხელმძღვანელს საქართველოში, ფილიპ დიმიტროვს,
გაეროს ლტოლვილთა უმაღლესი კომისრის სპეციალურ წარმომადგენელს საქართველოში, სიმონე უოლკენსა და ევროპის საბჭოს ოფისის ხელმძღვანელს საქართველოში, კატერინა ბოლონიეზეს
მინდია გულუა რეაგირებას თხოვს იმ იმ კონკრეტული ძალადობის ფაქტებზე, რასაც ადგილი ჰქონდა ხელისუფლების მხრიდან სამეგრელოსა და თბილისში.
ერთ-ერთ ყველაზე გამორჩეულ ღონისძიებად პარტიამ დაისახა დევნილებთან ერთად ჩაეტარებინა მრავალათასიანი შეკრება საქართველოს მასშტაბით და 12 მაისი გამოცხადებულიყო აფხაზთა, ქართველთა და ოსთა შერიგებისა და ერთობის დღედ. 12 მაისის აქციამ გამოცდა ჩააბარა, ჩვენი შეფასებით საკმაოდ წარმატებით, რადგან მან მოახერხა უმთავრესი _ კიდევ ერთხელ ერთად შეკრიბა აფხაზეთიდან და სამაჩაბლოდან დევნილი მოსახლეობა და აჩვენა საზოგადოებას, რომ ეს ხალხი ცოცხალია, რომ ამ ხალხს ღირსება გააჩნია და რომ ეს ხალხი მზად არის დაბრუნდეს მშობლიურ აფხაზეთსა და სამაჩაბლოში. ხელისუფლება კი, როგორც ჩანს, სხვაგვარად ფიქრობს _ მიუხედავად იმისა, რომ პარტიამ ხელისუფლებისაგან ოფიციალურად მიიღო დასტური აქციის გამართვაზე ყველა ქალაქში, სამეგრელოში ძალოვანმა სტრუქტურებმა და სპეცსამსახურებმა ნამდვილი ომი გამოუცხადეს ჩვენს აქტივისტებს და არ მისცეს ხალხის შეკრების საშუალება. მათ შეძლეს მძღოლების დატერორება და სატრანსპორტო საშუალებების გაჩერება. მიუხედავად ამისა სოფელ რუხის ყოფილი იპოდრომის ტერიტორიაზე აქცია მაინც გაიმართა, სადაც 40 000 დევნილის ნაცვლად მხოლოდ 8 ათასმა შეძლო მოსვლა აღნიშნული ტერორის პირობებში.
მე მხოლოდ მსურს მოგაწოდოთ ინფორმაცია იმ კონკრეტული ძალადობის ფაქტებზე, რასაც ადგილი ჰქონდა ხელისუფლების მხრიდან სამეგრელოსა და თბილისში და გთხოვოთ, მიაქციოთ ყურადღება ამ ქმედებებს, რასაც ადგილი აქვს ძალოვანი სტრუქტურების მხრიდან, რადგან ამ ვითარებაში წარმოუდგენელია წარმართო პოლიტიკური საქმიანობა და მოემზადო დემოკრატიული და სამართლიანი არჩევნებისათვის, რაც წარმოადგენს ჩვენი ქვეყნის გადარჩენისა და განვითარების ერთადერთ და უალტერნატივო საშუალებას. წინააღმდეგ შემთხვევაში, საქართველოს ელის საერთაშორისო იზოლაცია და სააკაშვილის დიქტატურის მარწუხები, რისი ნიშნებიც უკვე ნათლად იკვეთება, _ ნათქვამია გულუას განცხადებაში.
