“გურია ნიუსი” მისი ვინაობით დაინტერესდა და აღმოჩნდა, რომ ის გახლდათ ჯონ ჯონსონი, რომელიც ამერიკული არასამთავრობო ორგანიზაცია “კომიტეტი ღია დემოკრატიისათვის” წარმომადგენელია და საქართველოში სულ რაღაც სამი კვირაა, რაც იმყოფება. მას შემდეგ, რაც თავი წარვუდგინეთ, სიამოვნებით დაგვთანხმდა ინტერვიუზე.
_ საქართველოში სამკვირიანი ყოფნის პერიოდში, რა ინფორმაციები გაქვთ ქართულ მედიაზე?
_ ჩვენ ბევრ ადამიანს ვხვდებით. ვსწავლობთ სიტუაციას და ვხედავთ, რომ ბევრი საინტერესო მოვლენა, ფაქტი ხდება საქართველოში. მაგრამ ყველაზე საინტერესო რასაც ჩვენ ვნახეთ, ისაა რომ ქართველ ხალხს ნამდვილად უნდა თავისუფალი და დემოკრატიული არჩევნები.
_ ბოლო პერიოდში ქართველ ჟურნალისტებზე ზეწოლის არა ერთი ფაქტი დაფიქსირდა. თქვენ თუ გაქვთ ამის შესახებ ინფორმაცია?
_ ჯერ არ ვიღებ ყველა ანგარიშს. ახლა დავიწყე და არ ვარ ისე ჩახედული, მაგრამ გარკვეული ინფორმაციები მაქვს.
_ რამდენად შემაშფოთებელია ეს ინფორმაციები?
_ ეს მაღელვებს და მაფიქრებს.
_ იგივე მოვლენები ამერიკის შეერთებულ შტატებში რომ მოხდეს, როგორი იქნება თქვენი და ამერიკელი ხალხის რეაქცია?
_ ეს, უბრალოდ, არ მოხდებოდა ამერიკაში. ჩვენ ახლა ვეცნობით ამ ფაქტებს, მოვლენებს, მაგრამ არიან სხვა ორგანიზაციები, რომლებიც ანგარიშებს აქვეყნებენ. ალბათ, გაეცანით სახელმწიფო ანგარიშს ადამიანის უფლებებზე, რომელიც ძალიან საინტერესო და მნიშვნელოვანია. ასევე, საინტერესოა “ემნესტი ინტერნეიშელისა” და საერთაშორისო გამჭვირვალობის ანგარიშები. ჩვენ ვეცნობით მათ ანგარიშებსაც, სადაც ძალიან ბევრი ახალი ამბავია.
_ ხომ არ გაქვთ ინფორმაცია საქართველოში პატიმრების მიმართ გამოყენებულ ძალადობასთან დაკავშირებით?
_ არა, არ მაქვს ინფორმაცია ამის შესახებ.
_ საქართველოში, წინასაარჩევნოდ, ორგანულ კანონში პარტიების შესახებ ცვლილებები შევიდა. ამასთან დაკავშირებით თუUგაქვთ ინფორმაცია და როგორ შეაფასებდით ცვლილებებს?
_ კი, გავეცანი. შენ შეიძლება რაღაცეებს ხედავ, აკვირდები, ამჩნევ, მაგრამ პროცესი მიმდინარეობს. ვფიქრობ, ცოტა ადრეა კომენტარის გაკეთება.
