პრანკერი სატელეფონო "ხულიგანია", რომელიც ცნობილ ადამიანებს ტელეფონით აშაყირებს და შემდეგ ამ ამბავს ასაჯაროებს.
ამჯერად, რუსი პრანკერის მახეში საქართველოს კულტურის მინისტრი მიხეილ გიორგაძე გაება.
ამის დამადასტურებელი ვიდეო მასალა ტელეკომპანია НТВ-ს თოქ-შოუში გავიდა.
ჩანაწერის მიხედვით, ცნობილი პრანკერები _ ლექსუსი და ვოვანი გიორგაძეს უკრაინის კულტურის მინისტრის, სახელით ურეკავს და ევროვიზიაზე უკრაინის წარმომადგენელის მაღალი ქულებით შეფასებას სთხოვს.
"თუ მეხსიერება არ მღალატობს, ტრადიციულად, საქართველოს მხრიდან მხარდაჭერა ინტენსიურია, მაგრამ ჩვენი პირველი არხის ხელმძღვანელსაც დაველაპარაკები, რომელიც ჩემი მეგობარია. ვთხოვ მას ამის გაკეთებას," _ აღნიშნავს "უკრაინის კულტურის მინისტრთან" საუბრისას მიხეილ გიორგაძე.
კულტურის სამინისტროში აღნიშნულ საუბარს არ უარყოფენ, თუმცა, აღნიშნავენ, რომ მიხეილ გიორგაძეს ამ საკითხზე პირველი არხის ხელმძღვანელისთვის არ დაურეკავს.
თუმცა, საქართველომ უკრაინას, რომლის წარმომადგენელი "ევროვიზიის" გამარჯვებული გახდა, უმაღლესი _ 12 ქულა დაუწერა.
