ოზურგეთის მუნიციპალიტეტის სოფელ მაკვანეთის მოსახლეობამ გუშინ გამაფრთხილებელი აქცია გამართა. დღეს ისინი კვლავ შეიკრიბნენ. იქ მცხოვრებლები სოფლიდან ინერტული მასალის გადატანას აპროტესტებენ. მათ რამდენი წუთით სატვირთო მანქანებს გზაც გადაუკეტეს. მოსახლეობა "გურია ნიუსს" კვლავ დაუკავშირდა.
"ამ დილით იყვნენ კომპანია "ორბის" წარმომადგენლები, ასევე ოზურგეთის მუნიციპალიტეტის გამგებლის მოადგილე, მათ გვითხრეს, რომ 4 საათზე მოვიდოდნენ და დაგველაპარაკებოდნენ, მაგრამ არ მოვიდნენ".-ამბობენ მაკვანეთის მკვიდრნი.
მოსახლეობასთან მოსალაპარაკებლად ოზურგეთის მუნიციოპალიტეტის გამგებლის მოადგილეები ბადრი გობრონიძე და არჩილ ყაზაიშვილი გამოჩნდნენ. მოსახლეობამ მათ ულტიმატუმი წაუყენა: "ჩვენ არ გავჩერდებით, თუ ჩვენს მოთხოვნებს არ გაითვალისწინებენ, მივმართვთ პროტესტის სხვა გზებს. დაშრა ჭები, აზიანებენ ცენტრალურგზას, საშინელი სიტუაციაა, გაზისგაყვანილობა და წყლის გაყვანილობადახეთქილია, მიწამ დაბლა ჩაიწია და მილები ჩანს, გამონაბოლქვისგან ვიხრჩობით, ბავშვებს ვერვაძინებთ, ფანჯრებს ვერ ვაღებთ. ცოტა ხანში არც ხიდი ექნება სოფელ მაკვანეთს" – ამბობს ქეთევან კვარაცხელია.
სოფელ მაკვანეთში მცხოვრები ცირა ვასაძე და მანანა ბაბილოძე ამბობენ, რომ მაკვანეთის მოსახლეობა ფეხზე დადგება.
"ბავშვები გარეთ სათამაშოდ ვერ გამოდიან, უჰაერობაა, სახლსბზარები აქვს, დღე და ღამე სულერთია მაგთთვის, მალე ჭაში წყალი აღარ იქნება! აქ ხალხიცხოვრობს და მიაქციონ ყურადღება. ერთეულები მდიდრდებიან და ჩვენ ჰაერიც აღარ გვაქვს".
ნონა სურგულაძე: "დახეთქილია გაზისა და წყლის მილები, ყველაზე მთავარი ისაა, რომ ჭაში წყალი დაშრა, ბავშვებს გარეთ ვეღარ ვუშვებთ." კუკური ვაშაყმაძე: "ორი ჭა მაქვს სახლში და ორივე დაშრა, რა დავაშავეთ? ყველგან დამბა რომ გააკეთეს, ჩვენ რატომ არ გაგვიკეთეს მაკვანეთში? წამოდით და ის ადგილი ნახეთ, საიდან ხდება ამის გატანა."
ოზურგეთის მუნიციპალიტეტის გამგებლის მოადგილემ ბადრი გობრონიძემ მოსახლეობას პირობა მისცა, რომ მათ მოთხოვნებს გაითვალისწინებდნენ: "ვესაუბრეთ კომპანიის წარმომადგენლებს, რომლებმაც გვითხრეს, რომ ჩვენ, კომპანიებმა მოვილაპარაკეთო, რომ ამ გზაზე აღარ შემოვალთო და წყლის მხრიდან გავიტანთ ამ მასალასო, გავჭრით ახალ გზას, მანქანები აღარ ივლიან ცენტრალური გზიდან, კარირედიან მდინარის გასწვრივ გაივლიან. რაც შეეხება ცენტრალურ გზას დაგეგმვითი სამუშაოები უკვე დამთავრებულია, ერთ კვირასი კი დაიწყება გზის დაგება, რომელიც ორ თვეში დასრულდება, არის 930 მეტრი, რომელიც ქალაქ ოზურგეთის საზღვრამდე მივა."-განაცხადა გობრონიძემ.
