14 საათის მონაცემებით,ქალაქ ოზურგეთში და ოზურგეთის მუნიციპალიტეტის დაბა ნასაკირალში 1987 ამომრჩეველი დაფიქსირდა. ეს ინფორმაცია №60 ოზურგეთის საოლქო საარჩევნო კომისიაში "გურია ნიუსს" სატელეფონო საუბრის დროს მიაწოდეს.
ჩვენს მიერ მოპოვებული ინფორმაციით, ქალაქ ოზურგეთში და დაბა ნასაკირალში 4447 ამომრჩეველს მოუწევს არჩევანის გაკეთება.
ინფორმაციისთვის, ქალაქ ოზურგეთში გამარჯვებისთვის "ქართული ოცნება – დემოკრატიული საქართველოს" დეპუტატობის კანდიდატი ვასილ ჩიგოგიძე და დამოუკიდებელი დეპუტატობის კანდიდატი გია კალანდარიშვილი იბრძვიან. დაბა ნასაკირალში "ქართული ოცნება – დემოკრატიული საქართველოს" დეპუტატობის კანდიდატი ნონა ტუნაძე, "ერთიანი ნაციონალური მოძრაობის" დეპუტატობის კანდიდატი კი ბესო ქათამაძეა.
