მათ დაინახეს რეალურად, როგორი კულტურული ხალხი ვართ და როგორი სწრაფვა გვაქვს თავისუფლებისკენ. დაინახეს, რომ ქართველებისთვის თავისუფლებისკენ სწრაფვა არის დაუოკებელი, ორგანიზებული, შეგნებული, გააზრებული. ამ ძალის შეჩერებას ვერანაირი ძალა ვერ შეძლებს. ჩემთვისაც კარგი იყო და მუდამ ვიმეორებ, ძალიან კარგად ვიცოდი, რომ ასე იქნებოდა. მე მქონდა ეს გააზრებული მაგრამ მჭირდებოდა ამის მტკიცებულება. დაახლოებით ისე, აი კარგად რომ ხარ მომზადებული, ხუთიანზე, მაგრამ მაინც განიცდი, სანამ არ ჩაგიწერენ ნიშანს ჩათვლის წიგნაკში. სანამ არ მიიღებ ხუთიანს, მაინც განცდაში ხარ. აი, ასეთი განცდა მქონდა. ხუთიანი ალბათ ნაციონალებს გაუხარდებათ. გუშინ ჩემი რწმენა განმტკიცდა. კიდევ ერთხელ დავრწმუნდი, რომ სწორი გადაწყვეტილება მივიღე,” _ განაცხადა ივანიშვილმა გუშინდელი აქციის შეფასებისას.
მან ასევე არაერთი პირობა დადო ქართველი ხალხის წინაშე ღირსეულად ცხოვრებასა და ოცნებების ასრულებაზე.
“ქართველი ხალხი იმსახურებს ღირსეულ ცხოვრებას. მე კიდევ ვიმეორებ, რასაც დაგპირდით, აუცილებლად შეგისრულებთ. ჩვენ ისეთი გუნდი ვართ, ისეთი მომართულები ვარ, ჩვენ მივიღებთ იმას რაც გვეკუთვნის. საქართველოს მოსახლეობას ეკუთვნის გაცილებით უკეთესი, ღირსეული ცხოვრება. ჩვენ უნდა ვიცხოვროთ ევროპულად. მე გპირდებით, ჩვენ გუნდთან ერთად, მოვახერხებთ და დავიბრუნებთ ღირსეულ ქვეყანას. ჩავიბარებთ და ავაღორძინებთ.
მადლობის გადახდის სურვილი მქონდა მოსახლეობისთვის. ჩემო საყვარელო ხალხო, ჩვენ აუცილებლად ერთად დავიბრუნებთ ჩვენს ქვეყანას. დაბრუნება არ არის მთავარი. აი დაბრუნების შემდეგ, შემოდგომის შემდეგ, ჩვენ ვიწყებთ ჩვენი ოცნებების ასრულებას.”
