"ნატოსა და ევროკავშირის შესახებ საინფორმაციო ცენტრის" გურიის ბიუროს ინიციატივითა და ორგანიზებით, არასამთავრობო ორგანიზაცია სტუდენტურ- ახალგაზრდული სათათბიროსა და ოზურგეთის დემოკრატიული ჩართულობის ცენტრის მხარდაჭერით, ევროპის დღეების ფარგლებში ესეების კონკურსში "ჩვენ ვირჩევთ ევროპას" გამარჯვებული ბავშვების დაჯილდოება შედგა.
კონკურსში მონაწილეობდნენ ქალაქ ოზურგეთისა და ოზურგეთის მუნიციპალიტეტის საჯარო სკოლების მოსწავლეები. ახალგაზრდებმა საინტერსო ნამუშევრები წარმოადგინეს ევროკავშირისა და საქართველოს ურთიერთობაზე, ევროპულ ღირებულებებზე და მისწრაფებებზე.
ესეების კონკურსის გამარჯვებული N1 საჯარო სკოლის მოსწავლე , აკაკი ზღულაძე გახდა. მეორე ადგილი სოფელ ლიხაურის საჯარო სკოლის მოსწავლეს ქრისტინე გორდელაძეს ერგო, ხოლო მესამე ადგილზე N 1 საჯარო სკოლის მოსწავლე , ნინო ფასიეშვილი გავიდა.
"ნატოსა და ევროკავშირის შესახებ საინფორმაცო ცენტრის" გურიის ბიუროს წარმომადგენელმა კონკურსში გამარჯვებულებს ისტორიულ-შემეცნებითი თემატიკის წიგნები და სიგელები, მაისურებთან ერთად გადასცა.
აღნიშნულ ღონისძიებას ფოტო და ნახატების კონკურსების "ჩემი თვალით დანახული ევროპა" გამარჯვებული მოსწავლეებიც ესწრებოდნენ , რომელიც "ნატოსა და ევროკავშირის შესახებ საინფორმაციო ცენტრის" გურიის ბიურომ ევროპის დღეების ფარგლებში გამოაცხადა.
ფოტოკონკურსის სამი გამარჯვებული გამოვლინდა: პირველი ადგილი დაიკავა ანანო მჟავანაძემ, მეორე და მესამე ადგილებზე აკაკი ზღულაძე და ოთარ ქანთარია გავიდნენ. ნახატების კონკურსში კი პირველი ადგილი ქრისტინა მუჯირმა დაიმსახურა, მეორე ადგილი – გიორგი კონტრიძეს, მესამე კი ნინო გულხარდარაშვილს ერგოთ. მინისტრმა ყველა გამარჯვებულს სერთიფიკატები და საჩუქრები გადასცა.
ღონისძიების ორგანიზატორებმა, მხარდამჭერებმა და კონკურსში მონაწილე ბავშვებმა ბოლოს ფოტო გადაიღეს და სიმბოლური ტორტი გაჭრეს.
