შპს “სტუდია მაესტროს” გენრალურმა დირექტორმა ზურა ნაყეურმა გიორგი ისაკაძე გაათავისუფლა.
”ბიზნესკონტაქტის”, ”საქმიანი დილას” და ”ანალიტიკის” პროექტების მენეჯრის გიორგი ისაკაძის ტელეკომპანია ”მაესტროდან” გათავისუფლების მთავარ მიზეზად, აღნიშნული გადაცემების ე.წ. აუთსორსზე გასვლის მოთხოვა დასახელდა, – ამის შესახებ ”ბიზნესკონტაქტის” წამყვანმა ელენე კვანჭილაშვილმა გადაცემაში განაცხადა.
გადაცემა “ბიზნესკონტაქტში” წამყვანმა განმარტა, რომ ”ტელეკომპანია ”მაესტრომ” ცალმხრივად მიიღო გადაწყვეტილება, რომ ”ბიზნესკონტაქტი”, ”საქმიანი დილა” და ”ანალიტიკა” ეთერში დარჩეს ამ გადაცემების ავტორისა და მენეჯერის გიორგი ისაკაძის გარეშე.
ხელშეკრულების ცალმხრივად გაწყვეტის შესახებ გადაწვეტილება გიორგი ისაკაძეს ელექტრონული ფოსტით გაუგზავნეს, თუმცა გიორგი ისაკაძემ ეთერში სტუმრობისას განმარტა, რომ წერილის მიღებამდე მას ჰქონდა შეხვედრა ზურაბ ნაყეურთან რომელმაც მისი სამსახურიდან გაშვების გადაწყვეტილების ავტორებად დამფუძნებლები დაასახელა. მისი გუშინ ჩაბარდა. ამ გადაწყვეტილების მიღების მთავარ მიზეზად გიორგი ისაკაძის მიერ მის მიერვე შექმნილი გადაცემების ხელშეკრულებით თანამშრომლობაზე გასვლის მოთხოვნა დასახელდა.
”მაესტროს” ირგვლივ განვითარებულ მოვლენებში ადევნებდით თვალს, გემახსოვრებათ, რომ ”ბიზნესკონტაქტის”, ”საქმიანი დილის” და ”ანალიტიკის” გუნდი სარედაქციო დამოუკიდებლობის მთავარ გარანტად სწორედ ორ რამეს ასახელებდა. ეს იყო – გიორგი ისაკაძე, რომელმაც ეს გუნდი შეკრა და ე.წ. აუთსორსი, ანუ კონტენტი გვემართა დამოუკიდებლად ისე, როგორ აქამდე’, – განაცხადა ელენე კვანჭილაშვილმა.
ტელეკომპანია ”მაესტროდან” “საქმიანი დილასა” და “ბიზნეს-კონტაქტის” დამაარსებელი და ხელმძღვანელი გიორგი ისაკაძე გაათავისუფლეს. ისაკაძეს არხის გენერალური დირექტორისგან, ზურაბ ნაყეურისგან შესაბამისი შეტყობინება მიუვიდა.
ტელეკომპანია “მაესტროს” დამფუძნებლები მამუკა ღლონტი და ეკა აკობია დღევანდელ ფაქტთან დაკავშირირებით საგანგებო მიმართვას ავრცელებენ:
მივმართავთ “მაესტროს“ ჟურნალისტებს: “გიორგი ისაკაძის “მაესტროდან“ გაძევება არის მხოლოდ პირველი ნაბიჯი, გადადგმული ტელეკომპანიის სარედაქციო პოლიტიკის სრულად გაკონტროლებისკენ, რასაც ახორციელებს “ქართული ოცნება“ “იმედის“ მეპატრონის , ირაკლი რუხაძის ხელით. მოგიწოდებთ, მხარში დაუდგეთ ერთმანეთს და არ დაუშვათ “მაესტროს“ სახელისუფლებო არხად გადაქცევა. დარწმუნებულნი ვართ, რომ თუ ახლა ვერ შეძლებთ თქვენი და თქვენი კოლეგების უფლებების დაცვას, უახლოეს მომავალში “ირაკლი რუხაძე და კომპანია“ აუცილებლად დაცლის ,,მაესტროს” პრინციპული ადამიანებისგან!“ – ნათქვამია მათ მიერ გავრცელებულ განცხადებაში.
რადიო “მაესტროს” ინფორმაციით გია გაჩეჩილაძე ტელეკომპანია “მაესტროში” თოქ-შოუს იწყებს.
არსებული ინფორმაციით გია გაჩეჩილაძე საკუთარი ავტორობით შექმნილ გადაცემას თავად წაიყვანს.
რა ფორმატის იქნება გადაცემა უცნობია. გია გაჩეჩილაძე ჩვენს სატელეფონო ზარებს არ პასუხობს. რაც შეეხება შპს “სტუდია მაესტროს” გენერალურ დირექტორს, მრავალჯერადი მცდელობის მიუხედავად სატელეფონო კომენტარის მიღება მისგანაც ვერ მოხერხდა. ზურა ნაყეურთან კითხვები გიორგი ისაკაძის კონტრაქტის შეწყვეტასთან დაკავშირებითაც არსებობს, თუმცა ის ამ დრომდე მედიასთან არ გამოჩენილა.
წყარო: რადიო “მაესტრო“
