ბავშვთა დაცვის საერთაშორისო დღესთან დაკავშირებით ლანჩხუთის მუნიციპალიტეტის საბავშვო ბაღებში შემეცნებით–გასართობი ღონისძიები გაიმართა. ბავშვები ჩაერთვნენ სხვადასხვა სახის აქტივობებში, როგორიცაა ასფალტზე ცარცით ხატვა, აპლიკაციებისა და ნახატების შექმნა, ცეკვა ,სიმღერა და სპორტული აქტივობები. ღონისძიება ბაგა–ბაღის ეზოებში, ღია ცის ქვეშ გაიმართა.
ქალაქის ბაგა-ბაღის პატარა აღსაზრდელებმა ეზოს აქტივობა ცეკვა "ზეკარით" დაასრულეს, შემდეგ კი ზღაპრულ სამყაროში გადაგვიყვანეს და წარმოგვიდგინეს მიუზიკლი ,"ზღაპრის სამყაროში", სადაც ერთმანეთს ენაცვლებოდნენ სხვადასხვა ზღაპრის გმირები:ჩექმებიანი კატა, სპაიდერმენი, წითელქუდა, პეპი, მაუგლი, სალამურა, ბარბი, ფერიები და პრინცესები.
