პარტია "ქართული ოცნება-დემოკრატიული საქართველო" აცხადებს, რომ გავრცელებული ინფორმაცია, ეუთო-მ საქართველოში დაგეგმილი საპარლამენტო არჩევნების შესახებ ანგარიში გამოაქვეყნა, სიმართლეს არ შეესაბამება.
როგორც პარტიის მიერ გავრცელებულ ინფორმაციაშია განმარტებული, ეუთომ სადამკვირვებლო მისიის პარტიებთან შეხვედრებზე მიღებული ინფორმაცია გამოაქვეყნა და არა ანგარიში.
"ინფორმაცია, რომ 1 ივნისს გამოქვეყნდა ეუთო-ს დემოკრატიული ინსტიტუტებისა და ადამიანის უფლებათა ოფისის (ODIHR) პირველი შუალედური ანგარიში, სიმართლეს არ შეესაბამება. საქართველოში 26-29 აპრილს იმყოფებოდა საჭიროების შემფასებელი მისია, რათა წინასაარჩევნო გარემოს შესწავლის შედეგად გაეწია რეკომენდაცია ODIHR-სთვის არსებობს თუ არა არჩევნებზე სადამკვირვებლო მისიის დაარსების საჭიროება და კონკრეტულად რა ტიპის და მასშტაბის მისია უნდა დაარსდეს. ვიზიტის ფარგლებში გაიმართა შეხვედრები პოლიტიკური პარტიების წარმომადგენლებთან, მედიასთან, არასამთავრობო სექტორთან და სახელმწიფო უწყებებთან. ანგარიშში დიდ-წილად მოყვანილია ამ შეხვედრებზე მიღებული ინფორმაცია. ეუთო-ს არჩევნების სახელმძღვანელოს მიხედვით, შუალედური ანგარიში მზადდება სადამკვირვებლო მისიის საქართველოში გამოგზავნის შემდეგ.
ანგარიშში მოყვანილია დადებითი ტენდეციები, მაგალითად: საჭიროების შემფასებელი მისიის ანგარიშში აღნიშნულია, რომ მოხდა მაჟორიტარული ოლქების ცვლილება,რითაც შესრულდა ODIHR-ის მრავალწლიანი რეკომენდაცია. ანგარიშში აღნიშნულია, რომ ამ ცვლილებით, დაკმაყოფილდა არჩევითობის თანასწორობის პრინციპი; რაცშეეხება პროცესის გაუმჭვირვალედ, მიმხრობილად და ფართო ჩართულობის გარეშე წარმართვას, ეს არ არის მისიის შეფასებები. ანგარიში მხოლოდ ციტირებულია ცალკეულ პოლიტიკურ ძალებთან გამართულ შეხვედრებზე გაკეთებული შესაბამისი განცხადებები. ანგარიშში ასევე ნათქვამია, რომ გაიზარდა პარტიებისათვისგამოყოფილი საეთერო დრო და ასევე, დაკონკრეტდა ფინანსური სანქციები. ანგარიშში აღნიშნულია, რომ ODIHR-ის რამდენიმე ადრინდელი რეკომენდაცია, საარჩევნოკამპანიასთან, მედიასთან და დაფინანსებასთან დაკავშირებით, ჯერ არ შესრულებულა. თუმცა, იქვეა აღნიშნული, რომ შესაბამისი კანონპროექტები განხილვის პროცესშია საქართველოს პარლამენტში; ანგარიშში გამოხატულია სრული ნდობა საარჩევნო ადმინისტრაციის მიმართ;
რაც შეეხება საარჩევნო ადმინისტრაციების წევრებისდანიშვნასთან დაკავშირებით გაჩენილ კითხვის ნიშნებს, ანგარიშში ნათქვამია, რომ ამის თაობაზე კრიტიკა დაფიქსირდა სხვადასხვა პოლიტიკური პარტიების მხრიდან. ანგარიში არ შეიცავს რაიმე მინიშნებას მისიის მიერ ამ პროცესის ნეგატიურად შეფასების თაობაზე; ანგარიშში აღნიშნულია, რომ სერვისების განვითრების სააგენტოგანაგრძობს ძალისხმევას საარჩევნო სიის კიდევ უფრო დახვეწის მიზნით და ასევე გამოხატა დადებითი შეფასება საარჩევნო სიებთან და ამ კუთხით სააგენტოსა და ცესკოს მუშაობასთან დაკავშირებით. რაც შეეხება საარჩევნო კამპანიის პროცესში უსაფრთხოების სამსახურის ჩარევას, დაშინების და აგრეთვე ადმინისტრაციული რესურსებისგამოყენების საშიშროებას, ამის ვარაუდი გამოითქვა არა შემფასებელი მისიის, არამედ პოლიტიკური პარტიების მხრიდან, რაც შესაბამისად არის ციტირებული ანგარიშში.წინასწარი შეფასების შედეგად, მისია რეკომენდაციას უწევს არჩევნებზე დაკვირვების მისიის გამოგზავნას, 28 გრძელვადიანი და 350 მოკლევადიანი დამკვირვებლის მონაწილეობით და ასევე წინასაარჩევნოდ მედიის მონიტორინგის განხორციელებას. აქვე შევახსენებთ საზოგადოებას, რომ პირველ რიგში საქართველოს პრემიერ-მინისტრმა სთხოვა ეუთოს ხელმძღვანელობას, რაც შეიძლება მეტი წარმომადგენლის გამოგზავნა საპარლამენტო არჩევნებზე დასაკვირვებლად. მთლიანობაში, ანგარიშშიარსებითად დადებითად არის შეფასებული წინასაარჩევნო გარემო", _ აცხადებენ "ქართულ ოცნებაში".
ამავე თემაზე:
ეუთო-მ საქართველოში დაგეგმილი საპარლამენტო არჩევნების შესახებ ანგარიში გამოაქვეყნა
