თუ მარტო ვერ მოდის, მოიყვანოს და დაისვას გვერდით ვინც უნდა – ჩერგოლეიშვილი ივანიშვილს პასუხობს

ბიძინა ივანიშილის წინადადებას, შეხვდეს და უპასუხოს რუსთავი 2-ისა და ტაბულას ჟურნალისტების კითხვებს, თამარ ჩერგოლეიშვილი ასე პასუხობს. 

"კომუნიკაცია გრძელდება – ახლა სხვა ტელევიზიების ჩართულობის უზრუნველყოფის იდეამ გაიჟღერა და ამაზე ჩემ პასუხსაც საჯაროს გავხდი.

თუ ბატონ ბიძინას პრესკონფერენციის ჩატარება სურს – ამაზე ჩემი თანხმობა არ არის საჭირო. გამართოს და რეპორტიორი წავა, როგორც ყოველთვის.

თუ ინტერვიუ უნდა – დამიჯდეს სადაც უნდა, როგორც უნდა, ვისთან ერთადაც უნდა, როცა უნდა და დამელაპარაკოს."-აცხადებს ჩერგოლეიშვილი.

ის,  გვარამიასგან განსხვავებით,  ფეისბუქის გვერდზე წერს,  რომ  მზად არის  მისთვის სასურველ სივრცეში შეხვდეს და ინტერვიუ ჩამოართვას ბიძინა ივანიშვილს

"რუსთავი ორის გენერალურმა დირექტორმა ბიძინა ივანიშვილის ეგზოტიკურ შეთავაზებაზე უარი თქვა.
რჩება ტაბულა.

ბუნებრივია, ჩვენ რომ ვიყოთ ნორმალურ ვითარებაში, მსგავსი ეგზოტიკა ჩვენთვისაც მიუღებელი იქნებოდა, მაგრამ ჩვენ არ ვართ ნორმალურ ვითარებაში.

შესაბამისად:
1. ჩვენ მზად ვართ შევუქმნათ ივანიშვილს ახალი ფორმატი – გამომდინარე იქიდან, რომ არსებულ ფორმატებში სათქმელის გამოხატვას შეუძლებლად მიიჩნევს.

2. ჩვენ მზად ვართ შევთავაზოთ "ნეიტრალური ტერიტორია" – რადგან ტაბულას ტერიტორია მისთვის დისკომფორტის შემქმნელია. ქირას გადავიხდით ჩვენ და არა ოლიგარქი.

3. რუსთავი ორის პასუხის შემდეგ, ბუნებრივია თანხმლები პირის საჭიროება (რომელსაც თავად მოდერატორს უწოდებენ) მთლიანად გამოირიცხა, მაგრამ თუ მარტო ვერ მოდის, მოიყვანოს და დაისვას გვერდით ვინც უნდა (თუნდაც, კალაძის რომელიმე მოჭიდავე).

4. ჩვენ მზად ვართ მიმოვიხილოთ მისი წერილი.
5. ჩვენ მზად ვართ მოვისმინოთ მისი "რეპლიკები" "სიცრუის ტირაჟირებასთან" დაკავშირებით.
მოკლედ, გელით ბ-ნო ბიძინა."

ამავე თემაზე: "რას სთავაზობს ბიძინა ივანიშვილი "რუსთავი 2"-ს და "ტაბულას" _ გვარამია ყოფილი პრემიერის შეთავაზებას აქვეყნებს"