ჩინეთში რამდენიმე დღის განმავლობაში მოსული ძლიერი ნალექის შედეგად გამოწვეულ წყალდიდობას 100-ზე მეტი ადამიანი ემსხვერპლა. აღნიშნულ ინფორმაციას REUTERS ავრცელებს.
პრემიერ-მინისტრის, ლი ქეგიანგის განცხადებით, ძლიერმა სტიქიამ 1 მილიონ ჰექტარზე მეტი მიწის ნაკვეთი გაანადგურა, ხოლო ქვეყანას 3 მილიონ დოლარზე მეტი ღირებულების ეკონომიკური ზარალი მიადგა.
მისივე ინფორმაციით, წელს ჩინეთში ხორბლის მოსავალს 140 მილიონ ტონასთვის უნდა მიეღწია, მაგრამ სტიქიის შედეგად უცნობია თუ რა რაოდენობის ხორბალი დაზიანდა.
როგორც ცნობილია, წყალდიდობას 215 ხარი, 5 მილიონზე მეტი შინაური ფრინველი და 7 100 ღორი ემსხვერპლა, ხოლო ერთ-ერთ ქალაქში 3 ტონაზე მეტი საწვავი დაიღვარა.
