ბათუმის საერთაშორისო ჰოსპიტალში ოფთალმოლოგიის მიმართულებით საუკეთესო სამედიცინო მომსახურების მიღებაა შესაძლებელი. ჰოსპიტალში ოფთალმოლოგთა მაღალკვალიფიციურ გუნდს კიდევ ერთი ცნობილი ექიმი _ ოფთალმოლოგიის ეროვნული ცენტრის ხელმძღვანელი, მედიცინის დოქტორი, პროფესორი მიშა ომიაძე შეემატა, რომელიც პაციენტებს რეგულარულად, თვეში ორჯერ, ყოველ მეორე კვირას მიიღებს და ჩაატარებს კატარაქტისა და გლაუკომის ოპერაციებს ახალი მეთოდით, ნემსით ანესთეზიის გარეშე, წვეთების გამოყენებით.
მიშა ომიაძეს საქართველოში იცნობენ, როგორ ოფთალმოლოგს, რომელიც კატარაქტასა და გლაუკომაზე ოპერაციებს საკუთარი, ნაკლებტრავმული მეთოდით ატარებს. იგი ამჟამად თბილისში, "ნიუ ჰოსპიტალში" თვალის ეროვნულ ცენტრს და თბილისის ივანე ჯავახიშვილის უნივერსიტეტში ოფთალმოლოგიის კათედრას ხელმძღვანელობს.
მიშა ომიაძის კონსულტაციები პაციენტებთან ბათუმის საერთაშორისო ჰოსპიტალში ძირითადად კატარაქტის, გლაუკომის, ბადურას, კერატოკონუსის პრობლემებსა და რეფრაქციულ ქირურგიას შეეხება.
"ბათუმის საერთაშორისო ჰოსპიტალსა და "ნიუ ჰოსპიტალს" შორის, რომელიც თბილისში მდებარეობს, დაიდო ხელშეკრულება, რის საფუძველზეც თვეში ორჯერ ჩამოვალ ბათუმში, გავსინჯავ პაციენტებს და ჩავატარებ ოპერაციებს, კერძოდ: კატარაქტის ოპერაციას ხელოვნური ბროლის იმპლანტაციით და გლაუკომას _ ექსპრეს შუნტის იმპლანტაციით. გამოვიყენებთ იმ უახლოეს ტექნოლოგიებს, რაც მე დავნერგე თბილისში _ კატარაქტის ოპერაცია კეთდება არა ნემსით გაუმტკივარებით, არამედ წვეთებით. პაციენტი ოპერაციის დასრულებიდან 10 წუთში ხედავს. ასევე, პაციენტს არ აეხვევა თვალი და შეუძლია თვალახელილი წავიდეს სახლში. განსაკუთრებით აქტუალურია ეს საკითხი იმ პაციენტებისთვის, რომელთაც მხოლოდ ერთი თვალში აქვთ მხედველობა.
იგივე მეთოდით გაკეთდება გლაუკომის ოპერაცია შუნტის გადანერგვით, რომელიც მიკროინვაზიური პროცედურაა," _ ამბობს მიშა ომიაძე.
ბათუმის საერთაშორისო ჰოსპიტალი ჩართულია საქართველოსა და აჭარის ჯანდაცვის პროგრამებში. ჰოსპიტალში მოქმედებს როგორც ინდივიდუალური, ასევე კორპორაციული და საყოველთაო დაზღვევა.
ბათუმის საერთაშორისო საუნივერსიტეტო ჰოსპიტალში ოფთალმოლოგიური მიმართულება მოიცავს შემდეგ მომსახურებებს:
რუტინული ოფთალმოლოგიური კვლევა: რეფრაქციის დადგენა (მიოპია, ჰიპერმეტროპია, ასტიგმატიზმი, პრესბიოპია); მხედველობის სიმახვილის დადგენა _ სათვალის ან კონტაქტური ლინზის რეფრაქციის დადგენა; უკონტაქტო ტონომეტრია; ბიომიკროსკოპია; ოფთალმოსკოპია 90-გრადუსიანი ლინზით.
დამატებითი კვლევები: კერატომეტრია; პაქიმეტრია; A-შცან ბიომეტრია; B-შცან ბიომეტრია; ტონომეტრია გოლდმანის მეთოდით; გონიოსკოპია; ოფთალმოსკოპია კონტაქტური ფუნდუს ლინზით
პედიატრიული ოფთალმოლოგია: რეტინოსკოპია; სიელმის დადგენა; ტონომეტრია მაკლაკოვის მიხედვით; რეფრაქციის დარღვევების კორექცია სათვალით, კონტაქტური ლინზებით; ოფთალმოლოგიური დაავადებების კონსერვატიული მკურნალობა; მშრალი თვალის სინდრომი, კონიუნქტივიტი, ბლეფარიტი, კერატიტი, უვეიტი, გლაუკომა
ოპერაციული მკურნალობა: ქუთუთოების და საცრემლე არხების (ენტროპიონი, ექტროპიონი, ქალაზიონი, დაკრიოცისტიტი, ფტოზი); პტერიგიუმი; კატარაქტის ფაკოემულსიფიკაცია; გლაუკომა
ლაზერული მკურნალობა: მეორადი კატარაქტა YAG ლაზერით; YAG ლაზერული ირიდოტომია; ავასტინის და აილიას ინტრავიტრეალური (თვალშიდა) ინექციები დიაბეტური რეტინოპათიის, ასაკობრივი მაკულოდისტროფიის, ბადურის სისხლძარღვების თრომბოზის დროს.
გადაუდებელი მდგომარეობა: კონიუნქტივის და რქოვანას უცხო სხეულის ამოღება.
ქუთუთოს და თვალის კაკლის ჭრილობის დამუშავება და გაკერვა; გლაუკომის მწვავე შეტევა; ბადურის არტერიის ემბოლია.
მისამართი: ბათუმი, გენერალ ასლან აბაშიძის ქუჩა #14; ტელეფონი: 0422 21 33 33; ელფოსტა: info@bih.ge; ვებგვერდი: www.bih.ge
(R)
