“რესპუბლიკელები საზღვარგარეთ” არის რესპუბლიკური ეროვნული კომიტეტის ფილიალი, რომელიც საზღვარგარეთ მცხოვრებ 6 მილიონზე მეტ ამერიკელს აერთიანებს. იგი კოორდინაციას უწევს მსოფლიოს სხვადასხვა ქვეყანაში მცხოვრებ ამერიკელ ამომრჩეველთა ინტერესებს.
ჯო ჯონსონი რეგულარულად ატარებს შეხვედრებს დიპლომატიურ კორპუსთან, აშშ-სა და საქართველოს პოლიტიკური პარტიების ლიდერებთან, ასევე არასამთავრობო ორგანიზაციების ლიდერებთან საერთაშორისო საკითხების, დემოკრატიზაციისა და არჩევნებზე დაკვირვების სტრატეგიებისა და კომუნიკაციების განხილვის მიზნით.
“ჩემთვის დიდი პატივია ეს დანიშვნა. “რესპუბლიკელები საზღვარგარეთ” არის შესანიშნავი ორგანიზაცია 34-წლიანი გამოცდილებით საგარეო პოლიტიკის საკითხებში და რომელსაც საზღვარგარეთ მცხოვრები თანამემამულეების პრობლემები ამერიკის კონგრესის წევრებისა და თეთრი სახლის თანამდებობის პირთა ყურამდე მიაქვს,” _ განაცხადა ბატონმა ჯონსონმა
ამ ორგანიზაციას ორმოცდაათზე მეტი განყოფილება გააჩნია მსოფლიოს მასშტაბით, განიხილება თბილისის განყოფილების დაარსების საკითხიც.
სწორედ ჯო ჯონსონი აკვირდებოდა 25 მაისს რეგიონული მედიის მიერ იუსტიციის სამინისტროს წინ გამართულ აქციას, სადაც ჟურნალისტები მათზე გახორციელებული ზეწოლის ფაქტების გამოძიებას ითხოვდნენ.
“ჩვენ ბევრ ადამიანს ვხვდებით. ვსწავლობთ სიტუაციას და ვხედავთ, რომ ბევრი საინტერესო მოვლენა, ფაქტი ხდება საქართველოში. მაგრამ ყველაზე საინტერესო რასაც ჩვენ ვხედავთ, ისაა რომ ქართველ ხალხს ნამდვილად უნდა თავისუფალი და დემოკრატიული არჩევნები, _ განაცხადა მაშინ ჯო ჯონსონმა “გურია ნიუსთან” საუბრისას.
