თბილისის საქალაქო სასამართლო მოსამართლე დიანა ფარქოსაძე საკონსტიტუციო სასამართლოს თავმჯდომარის, გიორგი პაპუაშვილის სადაო ქონებაზე გადაწყვეტილებას 2016 წლის 5 აგვისტოს გამოაცხადებს.
შეგახსენებთ, რომ თბილისის საქალაქო სასამართლოში, მოქალაქე როლანდ ბლადაძის სარჩელის განხილვა დასრულდა. სასამართლომ მხარეთა დასკვნითი სიტყვა მოისმინა.
საქართველოს ეკონომიკისა და მდგრადი განვითარების სამინისტრომ სასარჩელო მოთხოვნებს მხარი არ დაუჭირა. როლანდ ბლადაძის ადვოკატმა, არჩილ კაიკაციშვილმა კი, სახელმწიფოს სამართლებრივ დამოკიდებულებას სამართლიანობის აღდგენის იდეის წინააღმდეგ მიმართული აქტი და საზოგადოების შეურაცხყოფა უწოდა. სარჩელს მხარი არ დაუჭირა გიორგი პაპუაშვილის ადვოკატმა, გოჩა გოგიშვილმაც, რომელმაც აღნიშნა, რომ გიორგი პაპუაშვილს ქონების მიღებით, არც სამართლებრივი აქტები და არც მორალური კოდექსი არ დაურღვევია.
როლანდ ბლადაძის ადვოკატმა, არჩილ კაიკაციშვილმა სასამართლოს წინაშე 45–წუთიანი დასკვნითი სიტყვა წარმოთქვა. კაიკაციშვილმა დეტალურად წარმოადგინა საქმის სამართლებრივი და ფაქტობრივი გარემოებების ანალიზი.
დასკვნით სიტყვაში დეტალური ადგილი დაეთმო სადავო ნასყიდობის ხელშეკრულების ამორალურობისა და კანონსაწინააღმდეგო ხასიათის დასაბუთებას. არჩილ კაიკაციშვილა სასამართლოს წარუდგინა სამართლებრივი არგუმენტაცია, თუ რატომ არღვევდა სახელმწიფოსა და გიორგი პაპუაშვილს შორის გაფორმებული ნასყიდობის ხელშეკრულება კანონით დადგენილ წესს და აკრძალვებს, საჯარო წესრიგს და ზნეობრივ ნორმებს. ცალკე აქცენტი გაკეთდა სახეწლმწიფოს მხრიდან არასრუწლოვნების ინტერესების დარღვევის, განათლების უფლების შეზღუდვის, იძულებითი ემიგრაციისა და საკუთრების უფლების დარღვევის ფაქტებზე, რომელიც სახელმწიფომ 2004 წელს დაუშვა. არჩილ კაიკაციშვილმა წარმოადგინა არგუმენტები და პირდაპირი მტკიცებულებები გიორგი პაპუაშვილის სადავო ქონებაზე კეთილსინდისიერ მფლობელობასა და შემძენობასთან დაკავშირებით. ასევე, ფაქტები, როდესაც გიორგი პაპუაშვილმა იცოდა, რომ ქონება იყო სადავო და წინდახედულობის მიუხედავად, მაინც დასთანხმდა მიღებას.
აღსანიშნავია ისიც, რომ სპეციალურად სასამართლო პროცესისთვის როლანდ ბლადაძის მეუღლე, მარინა ესელიძე რუსეთიდან ჩამოვიდა.
სასამართლო სხდომის დასრულების შემდეგ, ჟურნალისტებთან კომენტარისას ესელიძემ აღნიშნა, რომ 250 000 დოლარად შეფასებული სახლი ბათუმში პოლიტიკური ნიშნით ჩამოერთვათ, ვინაიდან მისი მეუღლე ასლან აბაშიძესთან მუშაობდა.
"დამტოვეს 3 შვილით ქუჩაში. ჩემი შეკითხვაა – რა იყო ჩვენი დანაშაული. ვთხოვ მოსამართლეს, კიდევ ერთხელ ნუ გამწირავს. გვაქვს ინფორმაცია, რომ პაპუაშვილი აშანტაჟებს მოსამართლეს. ვთხოვ მოსამართლე დიანა ფარქოსაძეს გამოიტანოს სამართლიანი გადაწყვეტილება. ეყოს პაპუაშვილს ჩემს სახლში 7 წელი ცხოვრება", _ განაცხადა მარინა ესელიძემ.
„ახალგაზრდა ადვოკატები“ აცხადებენ, რომ საქმეზე მონიტორინგის შედეგებს წარმოადგენენ, რომელიც მათივე ინფორმაციით, შესაძლოა, 5 აგვისტომდე გასაჯაროვდეს.
თბილისის საქალაქო სასამართლოში საქმეზე გადაწყვეტილება 5 აგვისტოს, 10:00 საათზე გამოცხადდება.
ამავე თემაზე:
ამავე თემაზე:
რაზე უთხრა გიორგი პაპუაშვილს უარი თბილისის საქალაქო სასამართლომ
გიორგი პაპუაშვილის გადადგომის მოთხოვნით საკონსტიტუციო სასამართლოსთან აქცია გაიმართა
მორიგების აქტზე თანხმობას მხოლოდ გიორგი პაპუაშვილი აფერხებს – „ახალგაზრდა ადვოკატები“
გიორგი პაპუაშვილის სადაო ქონებაზე სახელმწიფოსთან მორიგება 8 ივლისამდე უნდა შედგეს
რა გარიგებას დებს გიორგი პაპუაშვილი სადაო ქონებასთან დაკავშირებით
"ამის შესახებ საკონსტიტუციო სასამართლოს თავმჯდომარემ არაფერი იცის"
საკონსტიტუციო სასამართლოს თავმჯდომარის სადაო ქონების საქმეზე პირველი სხდომა გაიმართება
გადაარჩინეთ ქართული მართლმსაჯულება! – "ახალგაზრდა ადვოკატები" ომბუდსმენს მიმართვენ
გიორგი პაპუაშვილს სააპელაციო სასამართლომ ქონებაზე ყადაღა მოუხსნა
საკონსტიტუციო სასამართლოს თავმჯდომარეს პროკურატურაში უჩივლეს
ვინ აწვდის ცალმხრივ ინფორმაციას საზოგადოებას პაპუაშვილის სადაო ქონებაზე
გიორგი პაპუაშვილის ქონება დააყადაღეს
"ახალგაზრდა ადვოკატები" პარლამენტს გიორგი პაპუაშვილის იმპიჩმენტის საკითხის განხილვისთვის მიმართავს
პროკურატურაში, საკონსტიტუციო სასამართლოს თავმჯდომარის ქმედებაზე, გამოძიება მიმდინარეობს
"პროკურატურის ახალი დეპარტამენტი სამართლიანობის აღდგენას დააჩქარებს"
ვენეციის კომისია "ახალგაზრდა ადვოკატების" კვლევას ეხმაურება
"ამ ადამიანებმა უნდა უჩივლონ სახელმწიფოს და არა გიორგი პაპუაშვილს"
"ახალგაზრდა ადვოკატების" მიმართვა პრეზიდენტ მარგველაშვილს
ევროპარლამენტი უკანონოდ ქონებაჩამორთმეულის სახლში, გიორგი პაპუაშვილის ცხოვრებას ეხმაურება
"ეკონომიკის სამინისტრო უფრო ახლოს დგას გიორგი პაპუაშვილთან, ვიდრე სამართლიანობის აღდგენის პროცესთან"
