ვასილ ჟღენტი, ოზურგეთი:
_ რას ვფიქრობ და უნდა მოვიდნენ. ჭკვიანი კაცი არ უნდა მოვიდეს?! იქნებ, ეშველოს ამ ქვეყანას.
მერაბ ცაცანიძე, ოზურგეთი:
_ ახლა სხვა დროა და ჩემი აზრით, ახალი სახეები უნდა მოვიდნენ პოლიტიკაში. მინდა, ხალხს ეშველოს. თურქეთში დავდივარ სამუშაოდ და ისეთი პოლიტიკოსები მინდა მოვიდნენ, რომლებიც ხალხს დაასაქმებენ.
ნინო სამხარაძე, ოზურგეთი:
_ ვინც მოვიდა, ხალხისთვის რა გააკეთა?! აღარ მაინტერესებს, ვინ მოვა და ვინ წავა!
ვარლამ ანთიძე, ოზურგეთი:
_ არ უნდა ბრუნდებოდნენ, რადგან ძველი კადრები არიან და არ არის გამორიცხული, შურისძიება მოხდეს.
ნაზიკო მენაბდე, ოზურგეთი:
_ ვერაფერს გეტყვით. ხალხს ვინ ეკითხება?! დღეს ვისაც უნდა, ის მოდის და ვნახოთ, რა იქნება.
გივი სიმონიშვილი, ჩოხატაური:
_ რა მნიშვნელობა აქვს, ვინ იქნება ხელისუფლებაში? ხალხისთვის არავინ არაფერს აკეთებს მაინც.
თემურ საძაგლიშვილი, ჩოხატაური:
_ უარყოფითად ვაფასებ.
ვაჟა ჩხიკვიშვილი, ჩოხატაური:
_ ძალიან მომწონს.
თენგიზ დოლიძე, ჩოხატაური:
_ შევარდნაძეს არაფერი ცუდი არ გაუკეთებია _ წაქცეული საქართველო ფეხზე დააყენა და ძალიან დიდ პატივს ვცემ ამისთვის. ვინც ხელახლა გამოჩნდა, მათთან არანაირი პრეტენზია არ მაქვს.
დარეჯან ქორიძე, ჩოხატაური:
_ არ ვიცი, რა გითხრათ და არც ის ვიცი, ვის დავეყრდნო. ისე, წინააღმდეგი არ ვარ.
გია ხვინჩიაშვილი, ჩოხატაური:
_ არ ვარ მაგ საკითხში ჩახედული. არ ვიცი, ის ადამიანები რას აკეთებდნენ შევარდნაძის ხელისუფლებაში ყოფნის დროს, არც მათი ისტორია ვიცი და შესაბამისად, ვერაფერს გეტყვით.
ზაზა ახალაძე: ჩოხატაური:
_ არ მომწონს.
ოთო ბარამიძე, ჩოხატაური:
_ ნამდვილად არ მომწონს.
თათია წილოსანი, ლანჩხუთი:
_ მივესალმები ყველა განათლებული და გამორჩეული ადამიანების პოლიტიკაში მოსვლას.
ლადო აფხაზავა, ლანჩხუთი:
_ ზოგადად, ეს იგივეა, ჩემი მომავალი ბებიაჩემს და ბაბუაჩემს დაეგეგმა. თუ გვინდა ცვლილებები, თუ გვინდა წინსვლა, თუ გვესაჭიროება რეფორმები, სჯობს, ახალი სისხლი და არა ძველი, რომელსაც ამოწურული აქვს თვითრეალიზების ყველანაირი რესურსი. უკაცრავად, მაგრამ ადამიანი პროთეზს, რომ ვერ იკავებს პირში, იმას პარლამენტში რა უნდა?! ალბათ, ძალიან ცუდადაა ნათქვამი _ მეც დავბერდები, მაგრამ იმ დროისათვის, ღრმად ვარ დარწმუნებული, არ მექნება ხელისუფლებაში მოსვლის პრეტენზია. და რისთვის მიდიან იმდროინდელი ადამიანები პოლიტიკაში? რაიმეს შეცვლიან? უკვე ძნელია, მაგათ ასაკში რაიმე აენთოთ გონებაში, რაიმე ინოვაციური შექმნან _ მაგათი მიზანია, მხოლოდ იძინონ პარლამენტის მოხერხებულ სავარძლებზე და დატკბნენ სიბერით. ყველას ტკბილ სიბერეს ვუსურვებ, მაგრამ ჩვენ რას გვერჩით, ახალგაზრდებს, რომლებსაც სისხლი გვიდუღს და ბევრი საინტერესო და ინოვაციური რამის შექმნა შეგვიძლია?!
