არასამთავრობო ორგანიზაცია „დემოკრატიის ლაბორატორია“ აცხადებს კონკურსს საქართველოს ყველა სკოლის უფროსკლასელისთვის _ „შენი ხმა, ჩვენი მომავალი.“
კონკურსი ჩატარდება სამ ეტაპად. მასში მონაწილეობა შეუძლია საქართველოს ნებისმიერ სკოლაში შექმნილ 3-კაციან გუნდს. თითო სკოლიდან შესაძლებელია რამდენიმე გუნდის მონაწილეობა. გუნდში უნდა იყოს 3 უფროსკლასელი (9,10,11,12 კლასი) და მას უნდა ხელმძღვანელობდეს 1 მასწავლებელი.
პირველი ადგილის მფლობელი გუნდი მიემგზავრება რომში (იტალია), უძველესი რესპუბლიკის საარჩევნო სისტემების წარმოშობისა და განვითარების გასაცნობად. მეორე ადგილზე გასული გუნდი გაემგზავრება ტალინში (ესტონეთი) თანამედროვე ელექტრონული საარჩევნო სისტემის გასაცნობად. მესამე ადგილის მფლობელები საჩუქრად მიიღებენ ნოუთბუქებს. ერთ-ერთი ფინალისტი გუნდი დაჯილდოვდება სპეციალური პრიზით _ ტაბლეტებით.
კონკურსის წესები
პირველი ტური: კონკურსის პირველ ეტაპზე, მონაწილეობის მსურველი გუნდი ამზადებს ვიდეოს საარჩევნო აქტივობის თემაზე. ვიდეოში მონაწილეებმა უნდა ახსნან, რატომ არის მნიშვნელოვანი თითოეული მოქალაქის ხმა არჩევნებზე და რა როლი აქვს არჩევნებს ქვეყნის დემოკრატიულ განვითარებაში. ყურადღება მიექცევა როგორც რგოლის შინაარსს, ასევე მის კრეატიულობას.
მეორე ეტაპზე გადასულ კონკურსანტებს დაევალებათ საკუთარ რეგიონში საინფორმაციო კამპანიის ჩატარება საარჩევნო ხმისა და არჩევნებში მონაწილეობის მნიშვნელობის შესახებ. კამპანია მიზნად უნდა ისახავდეს რეგიონში მცხოვრები მოქალაქეების მაქსიმალურ ინფორმირებას და ცნობიერების ამაღლებას საარჩევნო აქტივობის მნიშვნელობის თემაზე. კამპანიის ჩატარებისას გუნდებს შეეძლებათ გამოიყენონ ნებისმიერი ფორმატი, განახორციელონ აქტივობები საკუთარი შეხედულების მიხედვით, როგორც პირისპირ, ისე ონლაინ. მათ შორის: ფეისბუქის კამპანია, ფლეშმობი, აქციები, კვლევები, გამოკითხვები, პირისპირ შეხვედრები და სხვა.
მესამე ტური: მესამე ტურში, ანუ ფინალში გასული გუნდები სამ დაკვნით ეტაპში მიიღებენ მონაწილეობას.
1. კაპიტნების კონკურსი: კაპიტნების კონკურსი: კაპიტნების კონკურსი გულისხმობს ხმის მიცემის სიმულაციას. გუნდის კაპიტანმა წინა დღეს გავლილი ტრენინგის დროს მიღებული ცოდნის საფუძველზე უშეცდომოდ უნდა გაიაროს იმიტირებულ საარჩევნო უბანზე ხმის მიცემის პროცედურა და აღმოაჩინოს ხელოვნურად შექმნილი რამდენიმე დარღვევა. ქულები დაიწერება თითოეული სწორად გავლილი ეტაპისა და აღმოჩენილი დარღვევის მიხედვით.
2. სლოგანი: გუნდებმა უნდა მოიფიქრონ სლოგანი, რომლითაც კონკურსის მთავარ თემასთან დაკავშირებით მიღებულ ცოდნასა და საკუთარ მოსაზრებებს შეაჯამებენ.
3. საჯარო გამოსვლა: მონაწილეებმა უნდა მოამზადონ გამოსვლა თემაზე _ „შენი ხმა ჩვენი მომავალი.“გუნდის ერთმა ან რამდენიმე წევრმა უნდა დაასაბუთოს, რატომ არის მისი მომავლისთვის მნიშვნელოვანი არჩევნებში მაქსიმალურად მეტი მოქალაქის მონაწილეობა.
მონაწილეობის მსურველ გუნდებს საკონკურსო ვიდეოების გამოგზავნა 1 სექტემბრამდე შეუძლიათ.
პროექტი ხორციელდება პრეზიდენტის ინიციატივითა და პრეზიდენტის სარეზერვო ფონდის მხარდაჭერით.
პროექტის პარტნიორია განათლებისა და მეცნიერების სამინისტრო.
დამატებითი ინფორმაციისათვის: 577191417; 591705503; 577171733
ფეისბუქ გვერდზე: https://www.facebook.com/Demlab/
მეილზე: demlabinfo@gmail.com
რეგისტრაციის ფორმის სანახავად გადადით ლინკზე:
