აშშ-ის ავადმყოფობების კონტროლისა და პროფილაქტიკის ცენტრის ექსპერტებმა თავიანთი თანამემამულენი დაასახელეს ყველაზე მოლაყბე მძღოლებად. ამერიკელი მძღოლების 69% მანქანის ტარების დროს ტელეფონზე საუბრობს თუნდაც ერთხელ მაინც თვეში, ხოლო 31% კითხულობს „SMS“ შეტყობინებებს.
მეორე ადგილზე არიან პორტუგალიელები (59% – საუბარი ტელეფონით, 31% _ „SMS“ შეტყობინებები).
ამერიკელებს, პორტუგალიელთა გარდა, ჩამორჩებიან აგრეთვე: ბელგიელები, გერმანელები, ჰოლანდიელები, ესპანელები და ფრანგები. მანქანის მოძრაობისას ტელეფონით მოსარგებლე ყველაზე ნაკლები მძღოლი დაფიქსირდა დიდ ბრიტანეთში _ 21%.
ექსპერტებმა გამოიკვლიეს, რომ საგზაო-სატრანსპორტო შემთხვევების დროს 3,5 მილიონ ტრავმირებულზე 24% (840 ათასი ადამიანი) დაზიანდა მძღოლების მიერ მობილურების გამოყენების გამო მგზავრობის დროს. ტელეფონზე მოსაუბრე მძღოლთა ვინაობის თვალსაზრისით სქესთა შორის დიდი განსხვავება არ არის, ასაკის მიხედვით კი ახალგაზრდები უფრო ხშირად სცოდავენ.
თუმცა, ამერიკის სადაზღვევო კომპანია „Liberty Mutual Insurance“-ის გამოკითხვის შედეგად დადგინდა, რომ მოზარდები საჭესთან დაუდევარ მოქმედებას საკუთარი მშობლებისგან სწავლობენ!
-(1)qw.jpg_20519.jpg)
