ოზურგეთის მუნიციპალიტეტის სოფელ დვაბზუში ზურაბ და ნინო ფიჩხაძეების კარმიდამო ესთეტიკური ტკბობის სავანეა.
ვაზის ტალავერების წრეში ჩასმული ვრცელი ფართობი, თხილის და კივის პლანტაციებით ნაკვეთებითაა გამიჯნული.
ყვავილთა ნაირფეროვნებას ცინიების სიჭარბე სჯაბნის. ეზოს ბოლოში კი ამ ყველაფერს თითქოს გამიჯვნია ანკარა წყარო, რომელიც დეკორაციებით მდიდარ აუზში “ბინადრობს“ და მუდამ მწყურვალის მსახურად რაკრაკებს.
წყაროს კალაპოტს სიგრძეზე თხმელის ხშირი მწკვრივი მოუყვება და ჟანგბადით ასულდგმულებს ცოცხალ სამყაროს.
ღირს ამ სავანეში წამიერად მაინც შეიარო.
