საქართველოს ყოფილი პრემიერ-მინისტრის, ბიძინა ივანიშვილის განცხადებით, სახელმწიფოს უნდა გააჩნდეს ქვეყნის და რეგიონის განვითარების სტრატეგია, რომელიც საზოგადოებასთან შეთანხმებული იქნება.
აღნიშნულის შესახებ ბიძინა ივანიშვილმა რეგიონული მედიის წარმომადგენლებთან შეხვედრისას "გურია ნიუსის" კითხვის საპასუხოდ განაცხადა:
კითხვაზე – ხომ არ მიგაჩნიათ, რომ ერთადერთი "პოლიტიკური მტერი" "ქართული ოცნებისთვის" ისევ "ქართული ოცნება" იქნება, თუკი მას არ ექნება მყარად ჩამოყალიბებული, საზოგადოებასთან შეთანხმებული რეგიონული განვითარების აქცენტები? – ივანიშვილი პასუხობს:
"გათანხმებით, რომ სახელმწიფოს უნდა გააჩნდეს ქვეყნის განვითარების სტრატეგია, მათ რიცხვში რეგიონული განვითარების გეგმაც. საზოგადოების ფართო ჩართულობით და მათთან შეჯერებით უნდა მოხდეს ამ გეგმის შემუშავება და დამტკიცება. თქვენ ხელგეწიფებათ, რომ უფრო მეტად გაააქტიუროთ საზოგადოებაც და მიაწოდოთ თქვენი შეხედულებები ხელისუფლებას", _ აღნიშნა ივანიშვილმა.
მისივე თქმით, პარტია "ქართული ოცნება"ვითარდება ისე, როგორც სხვა პარტიები.
"სუსტი ეკონომიკა, სუსტი მედია და სხვა, სრულ თანხვედრაშია; განსაკუთრებით ადგილობრივი თვითმმართველობა. თუ ჩვენს უახლოეს წარსულს, გამოცდილებას და პრაქტიკას გადავხედავთ, დაახლოებით, ასეთი უნდა იყოს. მთავარია, ისე დავგეგმოთ, რომ მის განვითარებას შევუწყოთ ხელი, შემდეგ წელიწადს უფრო განვითარებული იყოს და რამდენიმე წლის შემდგომ იყოს კარგად განვითარებული პოლიტიკური ისტებლიშმენტი რეგიონებში.
ადგილობრივი თვითმმართველობის რეფორმა რაც შეიძლება უნდა გავაღრმავოთ, დიდი ხანი არ არის, რაც გამგებლები ავირჩიეთ. ახალარჩეულებს ძალიან უჭირთ. ჩვენ არ გვქონდა ეს მმართველობა, ერთი კაცი მართავდა აქამდე და კარგად ნახეთ როგორც. სწრაფად რომ ვერ მივიღებთ განვიტარებულ პოლიტიკურ სპექტრს, ეს გასაგებიც უნდა იყოს, ეს ასეც უნდა ყოფილიყო და ამას გაგებით უნდა მოვეკიდოთ, თუმცა არ უნდა შევეგუოთ, უნდა ვაკრიტიკოთ, ვაკონტროლოთ რომ მომავალში მივიღოთ უფრო განვითარებული რეგიონი", _ განაცხადა ივანიშვილმა.
