“მოდი აგერ, შე არაკაცო, დედას გიტირებ” _ დაპირისპირება “ქართული ოცნებისა“ და “ენმ“ მხარდამჭერებს შორის

“მოდი აგერ, შე არაკაცო,  შენ რა გაქვს ნაკეთები,  ვინ და რა  მიწებს მიფორმებდნენ, გამოდი, ნუ იმალები, ცილწამებისთვის დედას გიტირებ“ _  ამ სიტყვებს “ქართული ოცნების“ მხარდამჭერი ვასილ ვაშალომიძე “ერთიანი ნაციონალური მოძრაობის“ ოზურგეთის  მაჟორიტარი დეპუტატობის კანდიდატის დავით მჟავანაძის მისამართით  იძახდა.

დღეს, პარტია “ერთიანი  ნაციონალური მოძრაობის“ ლიდერები გურიის მაჟორიტარი დეპუტატობის კანდიდატებთან, პარტიის წევრებთან მხარდამჭერებთან ერთად ოზურგეთის სახელმწიფო თეატრში შეხვედრას მართავდნენ.

შეხვედრის დასრულების შემდეგ  “ენმ“ ოზურგეთის რაიონული ორგანიზიცაციის წევრებსა და “ქართული ოცნების“ მხარდამჭერებს შორის დაპირისპირება მოხდა.

ქალაქ ოზურგეთის მერიის ყოფილი თანამშრომელი,  ოზურგეთელი ვასილ ვაშალომიძე, “ქართული ოცნების“ რამდენიმე  მხარდამჭერთან ერთად “ენმ“ ოზურგეთის მაჟორიტარი დეპუტატობის კანდიდატისთვის რამდენიმე კითხვის დასმა შეეცადა, რაზეც, მისივე თქმით, პასუხი ვერ მიიღო.

“ენმ“ ოზურგეთის ერთერთი ლიდერი  ბესიკ ქათამაძე “გურია ნიუსთან“ ამბობს, რომ „ქართული ოცნების“ მხარდამჭერები პროვოკაციის მოწყობას შეეცადნენ, მისივე თქმით, როცა პარტიის ლიდერები თეატრში შეხვედრას მართავდნენ, გარეთ თეატრის მიმდებარე ტერიტორიაზე, ოზურგეთის მუნიციპალიტეტის საკრებულოს თავმჯომარე დავით დარჩია “ქართული ოცნების“ მხარდამჭერებთან, კონკრეტულად კი აღნიშნულ პიროვნებასთან, ვასილ ვაშალომიძესთან  ერთად იდგა და შეხვედრაზე მისულ მოქალაქეებს აკვირდებოდა:

“აქ იყვნენ ჩვენს ოფისზე თავდასხმაში შემჩნეული პირები, ასევე, საკრებულოს თავმჯდომარე და ჩვენთვის უცხო პირები,  ჯგუფი, რომლებიც არიან “ქართული ოცნების“ მხარდამჭერები, მოვიდნენ და დაიწყეს პროვოკაცია,  იღებთ თუ არა პასუხისმგებლობას განვლილ ცხრა წელზეო“, _ გვითხრა ქათამაძემ.

ვასილ ვაშალომიძე: "მომენატრა ბატონი დავითი და ნახვა მინდოდა, კარგი ხანია, არ მინახია,  მინდოდა სამ შეკითხვაზე  პასუხის გაცემა, პირველი: იღებენ თუ არა პასუხისმგებლობას განვლილ ცხრა წელზე, იმ სისტემურ დანაშაულზე, რაც ხდებოდა, მეორე: მათი ცხრაწლიანი მმართველობის პერიოდში, რაც პროექტები იყო, ფინანსდებობა თუ არა ნახევარი ბიძინა ივანიშვილის მიერ, მესამე: “თუ მიშა სააკაშვილმა ჩამოაყალიბა დამოუკიდებელი სასამართლო და მართლმსაჯულება,  რატომ გაურბის  პასუხისმგებლობას? რატომ არ ჩამოდის,  გასცეს შეკითხვა იქნება მართალია?„_ ამბობს ვაშალომიძე.
არ გამცა პასუხი,  ნუ მიწყებთ პროვოკაციასო. ისინი ივანიშვილს 200-ნი დახვდნენ და ჩვენ ვინ ვართ, სულ ხუთი კაცი, რა მიწებზე საუბრობს, რას გულისხმობს, არ ვიცი. ამოქექონ, აგერაა იუსტიციის შენობა
“