რევაზ კუტუბიძე, ჩოხატაური:
_ ღირსება და ცოდნა უნდა ჰქონდეს, კანონები უნდა იცოდეს.
ნუგზარ ჩხიკვიშვილი, ჩოხატაური:
_ ბევრი თვისება უნდა ჰქონდეს. პირველ რიგში, კანონები კარგად იცოდეს.
შალვა მარკოიძე, ჩოხატაური:
_ ხალხს უნდა სცემდეს პატივს და ქვეყნის ინტერესიდან გამომდინარე უნდა მუშაობდეს.
ტიტე ვასაძე, ჩოხატაური:
_ საქმიანი უნდა იყოს, ხალხს უნდა ეხმარებოდეს.
მამუკა მიქაბერიძე, ჩოხატაური:
_ კაი.
თემურ უნგიაძე, ჩოხატაური:
_ დეპუტატის ნამდვილი ფუნქცია არის კანონმდებლობაზე მუშაობაა და არა ის, რასაც პირდებიან ხალხს _ ამას გავაკეთებ, იმას გავაკეთებ. ეს არ არის მაჟორიტარის ფუნქცია. უბრალოდ, მას შეუძლია პარლამენტში დააყენოს რაღაც საკითხები, შემდეგ პარლამენტმა მთავრობას მიმართოს. შეცდომაში შედის მოსახლეობა ამ დაპირებებით, რადგან კონკრეტული საქმეების გაკეთება მთავრობას შეუძლია და არა პარლამენტარს. ეკონომიკა სუსტია, ქვეყანაში არაფერი არ მუშაობს და პარლამენტარი ამას ვერ შეცვლის. მისი ღირსება და მთავარი საქმე კარგი კანონების მიღება უნდა იყოს.
სულიკო თავბერიძე, ჩოხატაური:
_ მაჟორიტარი რაიონს უნდა ეპატრონოს, მაგრამ სადაა მასე?!
როლანდ ჯინჭარაძე, ჩოხატაური:
_ მაჟორიტარი კანდიდატი ხალხთან უნდა იყოს და არა ისე, როგორც 2003-დან 2012 წლის ჩათვლით ხდებოდა _ ჩუმად დარბოდნენ და ხალხს ატყუებდნენ. ახლა კარგი კანდიდატებია .
ირინა მოკოიანი, ოზურგეთი:
_ მინდა, რუსეთთან იყოს კარგი ურთიერთობა, სამუშაო ადგილები შექმნას, ბავშვებისთვის რაღაც გააკეთოს, სპორტით დაინტერესდეს.
შორენა ვაშალომიძე, ოზურგეთი:
_ უმუშევარს როგორ უნდა დაეხმაროს, ეს უნდა იცოდეს.
ლალი ჩხაიძე, ოზურგეთი:
_ ადამიანის სიყვარული, ხალხთან ურთიერთობა, მეგობრული განწყობილება. რაც მთავარია, არ უნდა დაეკარგოს ამომრჩეველს.
ცისანა დარჩია, ოზურგეთი:
_ ხალხისთვის უნდა იყოს, იზრუნოს, რომ ხალხმა თავი ირჩინოს. წამოდით, ნახეთ ზვანში, სადაც მე ვცხოვრობ, რა სიტუაციაა _ ბავშვები სკოლაში ვერ დადიან წვიმაში, ისეთი მდგომარეობაა ქუჩაში _ ან ნავი გვჭირდება და ან "ვალინკები".
