საქართველოს პრემიერ-მინისტრმა გიორგი კვირიკაშვილმა საბრძოლო მასალისა და ცეცხლსასროლი იარაღის მარაგის აღმოჩენისთვისმადლობა გადაუხადა ყველას, ვინც ამ ოპერაციაში მიიღო მონაწილეობა.
”ეს იყო კომპლექსური ოპერაცია, ძალიან წარმატებული. მე მინდა მადლობა გადავუხადო შინაგან საქმეთა სამინისტროს და ყველას, ვინც მიიღო მონაწილეობა, იმიტომ, რომ მარტო ერთი უწყება არ იყო ჩართული”, _ განაცხადა პრემიერმა.
შინაგან საქმეთა სამინისტრომ, სახელმწიფო უსაფრთხოების სამსახურთან და მთავარ პროკურატურასთან ერთად, საქართველოს ტერიტორიაზე საბრძოლო მასალისა და ცეცხლსასროლი იარაღის მარაგს მიაკვლია.
შესაბამისი განცხადება შსს-შიგამართულ ბრიფინგზე გაკეთდა.
უწყების ინფორმაციით, სხვადასხვა გეოგრაფიული ადგილმდებარეობიდან ამოღებულ იქნა დიდი ოდენობით ცეცხლსასროლი იარაღი, საბრძოლო მასალა, ფეთქებადი ნივთიერებები და ასაფეთქებელი მოწყობილობები.
