ეთიოპიაში რელიგიური ფესტივალის დროს მიმდინარე საპროტესტო აქციაზე 52-ზე მეტი ადამიანი დაიღუპა. აღნიშნულ ინფორმაციას BBC ავრცელებს.
თვითმხილველების თქმით, დაღუპულების ნაწილი ჭყლეტვის, სამართალდამცავების მიერ ცრემლსადენი გაზის, რეზინის ტყვიების და ხელკეტების გამოყენების, ასევე ცეცხლის გახსნის გამო დაიღუპა.
პრემიერ-მინისტრის, ჰაილემარიამ დასალენის განცხადებით, ამბოხებულების მიერ წინასწარ დაგეგმილმა არეულობამ ადამიანები სასიკვდილო ხრამში ჩააგდო.
მაუწყებლის ინფორმაციით, პრემიერ-მინისტრი სამართალდამცავების მიერ ცეცხლის გახსნას უარყოფს.
როგორც ცნობილია, სახელმწიფო ტელევიზიის ეთერში პრემიერ-მინისტრმა სამართალდამცავები საზოგადოების დაცვისთვის გამოჩენილი დიდი ძალისხმევის გამო შეაქო, ხოლო მომხდარში ბოროტი ძალები დაადანაშაულა და აღნიშნა, რომ ისინი პასუხს კანონის წინაშე აუცილებლად აგებენ.
გავრცელებული ინფორმაციით, დედაქალაქ ადის-აბებადან 42 კილომეტრის დაშორებით რელიგიურ ფესტივალის აღსანიშნავად ათასობით ადამიანი შეიკრიბა, რის შემდეგაც, ანტი-სამათვრობო აქციის მონაწილეებმა სამართალდამცავებს ქვები და ბოთლები დაუშინეს, რის შემდეგაც პოლიციამ რეგირება მოახდინა, ხოლო ნაწილის თქმით, ისინი მშვიდობიან აქციას მართავდნენ.
ორომოს აქტივისტის, იავარ მოჰამედის თქმით, მომხდარის შედეგად 300-ზე მეტი ადამიანი დაიღუპა, ხოლო ასობით დაშავდა.
მისივე თქმით, ჯარმა და ვერტმფრენებმა აქტივისტებს ცეცხლი გაუხსნეს და ხალხს ტბაში შესვლისკენ უბიძგებდნენ.
მაუწყებლის ინფორმაციით, ეთიოპიაში ბოლო რამდენიმე თვის განმავლობაში შეტაკებები ხშირად ხდება, ხოლო ორომოს და ამჰარას მოსახლეობა პოლიტიკურ და ეკონომიკურ მარგინალიზაციას განიცდის.
გავრცელებული ინფორმაციით, ამერიკის შეერთებულმა შტატებმა მომიტინგეების წინააღმდეგ გადამეტებული ძალის გამოყენების გამო შეშფოთება გამოთქვა.
