"ჟურნალისტებს ვერანაირად ვერ მივაწვდი ინფორმაციას, არ მცალია თქვენთვის", _ ასე უპასუხა "გურია ნიუსს" 59-ე ქუთაისის საოლქო საარჩევნო კომისიის თავმჯდომარე ავთანდილ ოსეფაიშვილმა, რომელსაც არჩევნების პირველად შედეგებზე ინფორმაციის მისაღებად დავუკავშირდით.
ოსეფაიშვილთან ჩაწერილ ინტერვიუს უცვლელად გთავაზობთ:
_ბატონო ავთანდილ, თქვენს ოლქში რამდენი უბნის მონაცემებია დათვლილი?
_მხოლოდ ორი უბნის მონაცემებია დათვლილი.
_ამ უბნის მონაცემები თუ შეგიძლიათ გვითხრათ?
_არა, არა, ასე ტელეფონზე ვერაფერს ვერ გეტყვით. ვმუშაობ მე აქ კომპიუტერთან და ტელეფონზე ვერ გეტყვით ინფორმაციას რა…
_ყველა მედიასაშუალების ჟურნალისტი ხომ ვერ იქნება თქვენთან საოლქოში. აბა, რა ფორმით ურთიერთობთ ჟურნალისტებთან?
_ბრიფინგები მქონდა დღეს. 6 ბრიფინგი ჩავატარე და ყველა ინფორმაციას ვაწვდი. ახლა ოქმების მიღებას ვიწყებ და ჟურნალისტებს ვერანაირად ვერ მივაწვდი ინფორმაციას, არ მცალია თქვენთვის.
ამის შემდეგ ოსეფაიშვილმა ტელეფონი გაგვითიშა.
ცნობისთვის, "ნაციონალური მოძრაობის" წარმომადგენელთა ინფორმაციით, ქუთაისში, იმ უბნებზე, სადაც მათი თქმით, პარტია იმარჯვებს, ადგილობრივი თვითმმართველობის ორგანოების წარმომადგენლები არიან მობილიზებული.
ირმა ნადირაშვილის მიერ გავრცელებული ინფორმაციით, ისინი უბნებზე შეჭრას აპირებენ.
