"ნაციონალური მოძრაობის" ერთ-ერთი ლოდერის, გიგა ბოკერიას განცხადებით, პარტია უნდა შევიდეს პარლამენტში და მონაწილეობა მიიღოს არჩევნების მეორე ტურში.
"მჯერა და მწამს, რომ მიუხედავად არასამართლიანი არჩევნებისა, ჩვენი პოლიტიკური ძალა, როგორც ერთადაერი პროდასავლური, ქმედითი ოპოზიციური ძალა ჩვენს ქვეყანაში, აუცილებლად უნდა შევიდეს პარლამენტში და მიიღოს მონაწილეობა არჩევნების მეორე ტურში. ეს არის აუცილებელი დემოკრატიული ინსტიტუტების პატივისცემიდან გამოდინარე, იმ 500 ათასი ამომრჩევლის პატივსაცემად, ვინც ხმა მოგვცა, იმ ადამიანების პატივსაცემად, ვინც დააშინეს და ვერ მოგვცეს ხმა, იმ ადამიანების პატივსაცემად, ვინც არ მოგვცა ხმა. ყველაფერი უნდა ვცადოთ, რომ ივანიშვილმა საკონსტიტუციო უმრავლესობის მოპოვება ვერ შეძლოს. მე იმედი მაქვს და მჯერა, რომ ჩვენი პოლიტიკური ძალა ამ სწორ გადაწყვეტილებას მიღებს,"_ განაცხადა ბოკერიამ სპეციალურად გამართულ ბრიფინგზე.
დღეს საღამოს 8-ის ნახევარზე პარტიის პოლიტსაბჭო უნდა გაიმართოს.
აღსანიშნავია, რომ საქართველოს ყოფილმა პრეზიდენტმა, მიხეილ სააკაშვილმა საკუთრ ფეისბუკ გვერდზე გუშინ ვიდეოგანცხადება გაავრცელა. სააკაშვილმა არჩევნების შედეგებზე და “ერთიანი ნაციონალური მოძრაობის” გეგმებზე ისაუბრა და განაცხადა, რომ პარტიის მაჟორიტარობის კანდიდატებმა, არჩევნების მეორე ტურში მონაწილეობა არ უნდა მიიღონ.
