არჩევნებამდე ერთი თვით ადრე გიორგი კვირიკაშვილის მიერ წარდგენილი, მისივე თქმით „ყველასათვის საყვარელი და პატივსაცემი“ ჩოხატაურისა და ლანჩხუთის დეპუტატობის კანდიდატი თემურ ჭკუასელი ნინო წილოსანით ჩაანაცვლეს.
„ქართული ოცნების“ ლიდერებს ამ ცვლილების მიზეზი არ განუმარტავთ, თუმცა, გიორგი კვირიკაშვილმა საჯაროდ განაცხადა, რომ ჭკუასელი მომავალ პარლამენტში მნიშვნელოვან თანამდებობას ჩაიბარებდა. უფრო მეტიც _ როგორც პრემიერმა თქვა, ჭკუასელი დიასპორის კომიტეტს უხელმძღვანელებდა.
თუმცა, მეცხრე მოწვევის პარლამენტში ეს თანამდებობა თემურ ჭკუასელის ნაცვლად ზვიად კვაჭანტირაძემ ჩაიბარა, ჭუასელს კი რიგითი დეპუტატობა ერგო. როგორც თავად ამბობს, ასეთი იყო გადაწყვეტილება და ზვიად კვაჭანტირაძემ მას უცხო ენების ცოდნით აჯობა:
_ ზვიადმა ჩემზე მეტი უცხო ენა იცის. მე მხოლოდ ქართული და გურული ვიცი, _ აღნიშნა ჩვენთან საუბრისას თემურ ჭკუასელმა და კითხვა რატომ „გადააგდო“ პრემიერმა, ამჯერადაც უპასუხოდ დატოვა.
ამ შეკითხვამ, რომელიც გიორგი კვირიკაშვილს ჭკუასელთან ერთად დავუსვით პრემიერის გაღიზიანება გამოიწვია:
_ რა ეტყობა ახლა ამას გადაგდებულის? _ დაინტერესდა პრემიერი, რომლის თქმით, გადაწყვეტილებები გარემოებიდან გამომდინარე მიიღება:
_ გადაწყვეტილებები მიიღება დროსა და სივრცეში იმ გარემოებიდან გამომდინარე, რაც არსებობს, _ გვითხრა კვირიკაშვილმა, რომელიც ამ შეკითხვა გააღიზიანა და ეთიკაც დაგვიწუნა.
პრემიერობის მოვალეობის შემსრულებელმა უპასუხოდ დატოვა კითხვა, თუ რატომ შეცვალეს თავის დროზე ჭკუასელი წილოსანით.
ამავე თემაზე: "გადააგდო" თუ არა პრემიერმა თემურ ჭკუასელი _ "მეც მედიიდან გავიგე ამის შესახებ და ვარკვევ, რა ხდება"
"ზარზეიმით წარდგენილი და პრემიერის ნაქები კაცი ყოველგვარი განმარტების გარეშე მოხსნეს"
დილით გაკრული ბანერი, საღამოს მოხსნილი კანდიდატი და გაურკვევლობა შტაბებში
ექსკლუზივი: თემურ ჭკუასელის კანდიდატურა მოხსნილია _ რა მოხდა გუშინ პოლიტსაბჭოს სხდომაზე
