გარემოს ეროვნული სააგენტოს ინფორმაციით, 21 – 27 ნოემბერს დასავლეთ საქართველოში მოსალოდნელია თბილი და უნალექო ამინდი. ჰაერის ტემპერატურა +11, + 16° იქნება. 21 – 23 ნოემბერს შავი ზღვის სანაპირო რაიონებში, კოლხეთის დაბლობზე და ზემო იმერეთში იქროლებს აღმოსავლეთის ძლიერი, დროგამოშვებით ძალიან ძლიერი ქარი.
21 – 24 ნოემბერს აღმოსავლეთ საქართველოში შენარჩუნებული იქნება ცივი და ზოგან ნალექიანი ამინდი, ჰაერის ტემპერატურა +2, + 7° იქნება.
21 – დან 24 ნოემბრამდე კავაკასიის ჩრდილო-აღმოსავლეთიდან საქართველოს ტერიტორიაზე (უმეტესად ქვეყნის აღმოსავლეთ ნაწილში) მოსალოდნელია ცივი და ნოტიო ჰაერის მასების გავრცელება. აღმოსავლეთ საქართველოში ჰაერის ტემპერატურა მნიშვნელოვნად დაეცემა. მოსალოდნელია თოვა. შავი ზღვის სანაპირო რაიონებში, კოლხეთის დაბლობზე, ზემო იმერეთსა და გორი – სურამის მონაკვეთზე იქროლებს აღმოსავლეთის მიმართულების ძლიერი, დროგამოშვებით ძალიან ძლიერი ქარი.
დღეს, ქუთაისში შენარჩუნებული იქნება ძალიან ძლიერი ქარი, რომლის სიჩქარემ შესაძლოა 32 მ/წმ – ში მიაღწიოს. ხვალიდან ქარის სიძლიერე შედარებით შესუსტდება და 22 – 23 ნოემბერს 28 – 30 მ/წმ – შია მოსალოდნელი.
25 – 27 ნოემბერს მოსალოდნელია უმეტესად უნალექო ამინდი. ჰაერის ტემპერატურა მოიმატებს და +9, + 14° იქნება.
