სამხრეთ ოსეთის ე.წ პრეზიდენტის ლეონიდ თიბილოვის განცხადებით, ე.წ სამხრეთ ოსეთი დამოუკიდებლობას 2017 წელს მიაღწევს, რის შემდეგაც ქვეყნის ეკონომიკური აღასვლა დაიწყება.
„ საქართველოს 2008 წლის აგრესიის ლიკვიდაციის შედეგები 2017 წელს დასრულდება, რის შემდეგაც ჩენ უკვე ეკონომიკურ წინსვლას დავიწყებთ. ამ დროისთვის ჩვენ უკვე დამთავრებული გვექნება აღდგენითი სამუშაოები. ჩვენ სალიკვიდაციო სამუშაოებთან ერთად პარალელურ რეჟიმში ეკონომიკის წინსვლას ვუწყობდით ხელს, რადგან ამის გარეშე ქვეყნის აღორძინება წარმოუდგენელია. მომავალი წლისთვის ჩვენ დავასრულებთ სამწლიანი საინვესტივციო პროგრამების ციკლს, რომლის ფარგლებშიც 9 მილიარდი რუბლი იყო გამოყოფილი. ეს ყველაფერი კი ქვეყნის აღმშენებლობას და აღორძინებას მოხმარდა“. _ აღნიშნა თიბილოვმა Sputnik Южная осетия-სთან საუბარში.
ე.წ სამხრეთ ოსეტის პრეზიდენტმა რესპუბლიკისთვის სახელის გადარქმევის და მისთვის ისტორიულინსახელის დაბრუნების შესახებაც ისაუბრა და აღნიშნა, რომ ამ საკითხთან დაკავშირებით რეფერენდუმს იანვარში ჩაატარებენ.
„ჩვენ ვაპირებთ იანვარში ჩავატაროთ რეფერენდუმი სახელის გადარქმევასთან დაკავშირებით. ეს საკონსტიტუციო საკითხია და რეფერენდუმის გარეშე ვერაფერს გავხდებით“,-განაცხადა თიბილოვმა.
შეგახსენებთ, ე.წ სამხრეთ ოსეთის პრეზიდენტმა ლეონიდ თიბილოვმა ეს საკითხი გასული წლის დეკემებერშც წამოჭრა, თუმცა პოლიტსაბჭომ მაშინ რეფერენდუმის ჩატარებას მხარი არ დაუჭირა.
